Lëvizja Besa dhe BDI sot komentuan miratimin e buxhetit të Komunës së Tetovës për vitin 2024, shkruan Telegrafi Maqedoni.
Kryetari i Këshillit të Komunës së Tetovës, Besar Durmishi thotë se buxheti i ri i komunës është 36 milionë euro dhe është buxhet zhvillimor i cili është projektuar dhe realizuar konform nevojave të qytetarëve.
Ai thotë buxheti këtë vit do të jetë për katër milionë më shumë krahasuar me vitin e kaluar.
“Sektori i urbanizmit do të përfitojë nga një shumë prej 6 milion denarë për planet detale urbanistike, ndërsa inspektorati komunal dhe strehimorja për qentë endacak do të kenë në dispozicion nga 4 milion denarë secili. Gjithashtu, një shumë prej 6 milion denarë do të destinohen për pagesë të shpronësimit të pronave private për zhvillimin e infrastrukturës rrugore”, njoftoi Durmishi.
Nga BDI thonë se me buxhetin për vitin 2024 Komuna e Tetovës ka shkurtuar buxhetin në çdo sferë dhe se i njëjti është bërë për të relaksuar militantët e tyre partiak.
“Viti 2023 kaloi me shumë premitme. Asfaltimi i dy tre rrugëve nuk janë projekte komunale, por janë mirëmbajtje standarde për të cilët janë komunat janë të obligueshme”, tha këshilltari i BDI-së në Tetovë, Liridon Disha.
Ai tha se Tetova edhe këtë vit vazhdon të jetë e mbytur nga mbeturina, me qen endacakë, me ndëprerje të ujit të pijshëm dhe shkolla të politizuar.
Kasami, shton Disha, sabotoi edhe iniciativën e shoqatës Anti-Bixhoz për mbajtjen e referendumit, të cilët ofruan që kjo të mbahet bashkërisht në zgjedhjet parlamentare.
Buxheti i Komunës së Tetovës sot u votua me 17 vota “për” dhe do të peshojë 31.086.000 euro./Telegrafi/
Besa dhe BDI komentojnë buxhetin e vitit 2024 në Komunën e Tetovës appeared first on Telegrafi.
