Është shtyrë gjykimi për vrasjen e të miturës Vanja Gjorçevska dhe Pançe Zhezhovskit nga Velesi. Të akuzuarit janë paraqitur në Gjykatën Penale dhe më pas seanca është shtyrë për në 20 shtator në orën 10:00. Gjyqtari kompetent pranoi kërkesën e Prokurorisë për bashkimin e çështjeve dhe caktimin e datës për gjykim të ri.
Prokuroria fillimisht ngriti akuza kundër katër personave, e më pas për të dyshuarin e parë, Ljupço Palevski, i cili ishte në pritje të ekstradimit nga Turqia, për rrëmbimin e dyfishtë dhe vrasjen brutale të Gjorçevskës dhe Zhezhovskit.
Gjykata Penale i miratoi akuzat në tërësi dhe me kërkesë të Prokurorisë sot do të vendosë për bashkimin në një procedurë në të cilën përveç Palevskit, Bore Videvski, Velibor Manev dhe Vlatko Keshishov, si dhe babai i Vanjës, i akuzuar Aleksandar Gjorçevski.
Lidhur me këtë rast dyshohet se ka asistuar pas kryerjes së veprës edhe një person tjetër, ndaj të cilit procedura do të zhvillohet veçmas.
Vanja, e mitur dhe Pançe, me origjinë nga Velesi, të cilët u raportuan të zhdukur më 27 dhe 24 nëntor, u gjetën të vdekur në afërsi të Shkupit dhe Velesit më 3 dhjetor të vitit të kaluar./Telegrafi/
Anulohet seanca gjyqësore për vrasjen e dyfishtë të Vanjës dhe Pançes appeared first on Telegrafi.
