BDI Tetovë ka reaguar në lidhje me videon e publikuar në rrjetet sociale, të një punëtori të Ndërmarrjes Publike Komunale (NPK), i cili thotë se i ka humbur gishtat në vendin e punës dhe më pas është larguar nga puna.
Liridon Disha nga BDI sot tha se punëtori jo vetëm që është larguar nga puna, por edhe është bullizuar dhe diskriminuar nga udhëheqësit e NPK-së.
“Punëtori i Ndërmarrjes Publike Komunale, Kurtish Imeri, i cili humbi gishtat e dorës së tij në punë, u përjashtua nga puna vetëm sepse nuk mundej të punonte punë të rënda. Në vend se të ndihmohej nga udhëheqësit e NPK-së, të zgjedhurit e Bilall Kasamit për të udhëhequr me këtë institucion vendosën që ta bullizojnë dhe diksriminojnë duke e larguar nga puna një njeri punëtor, të sinqertë dhe nevojtar”.
“Pasi që zotëri Imeri publikoi videon në rrjetet sociale, ai u thirr në zyrat e NPK-së nga drejtorët për ta heshtur mllefin e tij ndaj monstrave që e shkarkuan nga puna një njeri me aftësi të kufizuara. Ky nuk është rast i izoluar. Raste të tilla ndodhin çdo ditë, si në sektorë të Arsimit në Komunë të Tetovës, por edhe në të gjithë sektorët tjerë”.
“Mobingu dhe shantazhimi që po kryhet nga njerëzit e afërt me Bilall Kasamin ndaj punëtorëve është i paparë. U bëjmë thirrje të gjithë atyre ndaj të cilëve po kryhet mobing, të mos frikësohen por këto raste, sikurse Kurtish Imeri t’i denoncojnë, jo vetëm në rrjetet sociale, por edhe në institucionet kompetente, pasi që monstrat e tilla që ushtrojnë presion ndaj qytetarëve të sinqertë, meritojnë të dalin para drejtësisë dhe të marrin dënimin e merituar. I bëjmë thirrje Prokurorisë që urgjentisht ta hetojnë rastin”, tha Liridon Disha./Telegrafi/
BDI Tetovë: Punëtori i NPK-së i cili humbi gishtat e dorës, u përjashtua nga puna appeared first on Telegrafi.
