Kryeministri teknik i Maqedonisë së Veriut Talat Xhaferi, sot ka folur në lidhje me protestat e universiteteve publike të cilët kërkojnë rritje të pagave.
Xhaferit tha se për momentin nuk mund të nënshkruhet marrëveshje kolektive për shkak se janë shpallur zgjedhjet, përcjell Telegrafi Maqedoni.
Xhaferi theksoi se universiteti “Kirli dhe Metodi” i cili është i vetme në të cilin u rritën pagat, ka dorëzuar kërkesë për marrëveshje kolektive në datën 11.11.2020.
“Më datë 16.07.2021, me vendim të Sekretarit të Përgjithshëm të Kuvendit, është formuar grupi punues nga zyrtarë të Kuvendit, Ministria e Mbrojtjes dhe e Punës dhe Politikës Sociale, për shqyrtimin e kërkesës. Grupit punues iu bashkuan edhe përfaqësues nga Ministria e Financave dhe përfaqësues të UKIM”.
“Grupi i punës ka pasur disa takime dhe dy herë kam marrë pjesë dhe kam udhëhequr mbledhjet. Ato janë zbatuar deri më 26.12.2022. Ata kanë përfunduar përmes ndërmjetësuesit përmes Ligjit për Ndërmjetësim, ndërsa ndërmjetësuesi është caktuar nga MPPS. Është rënë dakord që mbledhjet të përfundojnë me kontratë kolektive dhe më 29.12.2022, unë si kryetar i Kuvendit kam nënshkruar marrëveshjen kolektive me UKIM, e cila ka hyrë në fuqi tetë ditë pas botimit të Gazetës Zyrtare, por të fillojë duke u përmbushur nga viti 2024”, tha Xhaferi./Telegrafi/
Xhaferi: Protestat e universiteteve publike janë për politikë ditore, nuk mund të nënshkruhet marrëveshje kolektive në kohë të zgjedhjeve appeared first on Telegrafi.
