Të dhënat e organizatës së Kryqit të Kuq në Dibër thonë se në vitin 2023 ka pas një ulje të numrit të njësive të gjakut të cilët kanë grumbulluar në komunat e Dibrës dhe Qendër Zhupë. Përgjysmimi i njësive sipas organizatës në fjalë drejtpërdrejt është i lidhur me pasojat pos pandemike nga virusi korona si dhe migrimit masiv i cili vazhdoi gjatë vitit që kaloi. Këta shkaqe detyruan organizatën e Kryqit të Kuq të ulë dhe numrin e aksioneve.
Gjatë vitit që kaloi në komunat Dibër dhe Qendër Zhupë vërehet një ulje e dhuruesve vullnetar të gjakut dhe normalisht edhe ulje e grumbullimit të njësive të gjakut në krahasim me vitet e para të pandemisë. Këtë për gazetën KOHA e deklaroi sekretari i Kryqit të kuq në Dibër, Isni Telqiu. Ai tha se gjatë vitit 2023 janë realizuar vetëm gjashtë aksione për grumbullimin e gjakut dhe në krahasim me vitet para të pandemisë së virusit korona kur realizoheshin 12 aksione në vit, ka një përgjysmim të këtij aktiviteti.
“Vitin që kaloi plani për grumbullimin e gjakut në organizatën komunale të Kryqit të Kuq ishte 600 njësi gjaku. Në gjashtë aksione u grumbulluan gjithsej 370 njësi gjaku dhe kjo tregon se kemi ulje evidente. Analizat tona tregojnë se si shkaqe kryesore të uljes të njësive të gjakut që u grumbulluan ka të bëj me pasojat postpandemike meqë te shumica e bashkëqytetarë tanë e ndjenë edhe më tej në shëndetin e tyre sëmundjen që kaluan”, deklaroi ai.
Ai shtoi se po ashtu kur është në pyetje ulja e njësive të grumbulluara të gjakut është në pyetje edhe migrimi masivi te të rinjtë. Sipas tij, ka një optimizëm në organizatën në fjalë që gjatë vitit 2024 përsëri të shtohet numri i dhuruesve të gjakut meqë në këtë drejtim ka një optimizëm që ka të bëj me shtimin e dhuruesve të gjakut mes të rinjve sidomos në shkollat e mesme dhe studentëve por edhe tejkalimi i sëmundjeve postpandemike te një pjesë e madhe e dibranëve të cilët edhe pas pandemisë vazhduan mjekimin e tyre.
Ndryshe, Dibra si qytet vite me rrallë është mes qyteteve ku ka një përqindje të madhe të grumbullimit vullnetar të gjakut. Deri para pandemisë Kovid-19, plani vjetor për grumbullimin e gjakut ishte 744 njësi gjaku. Pandemia edhe në këtë sferë la pasojat e veta. Për këtë shkak me programin vjetor u përcaktua ulje e numrit të planit për dhurimin e gjakut dhe plani vjetor ra në 600 njësi gjaku. Në këtë drejtim përveç emigrimit të popullatës është për tu theksuar edhe uljen e interesimit te qytetarët për dhurim të gjakut. Por, kur jemi te dhurimi vullnetar i gjakut të theksojmë se në uljen e grumbullimit ka ndikuar edhe mungesa e Bankës për rruajtjen e gjakut në Spitalin e Dibrës si dhe mungesa e tranfuziologut. Prandaj besohet se ka dibran të cilët edhe vitin e kaluar kanë dhuruar gjak për shkaqe të ndryshme në spitale në qytete fqinje të Dibrës./Koha.mk/
Përgjysmohet dhurimi vullnetar i gjakut në Dibër appeared first on Telegrafi.
