Trepça ka shënuar fitore në gjysmëfinalen e parë të “Play-Offit” ndaj Sigal Prishtinës, për të udhëhequr tani me rezultatin 1:0 në seri.
Derbi i luajtur sonte në palestrën “Minatori” përfundoi me rezultatin 87:81.
Drilon Hajrizi me 14 pikë dhe Kevin Capers me 13 sosh, ishin dy basketbollistët më të dalluar në triumfin e “Xehetarëve”.
Te prishtinasit edhe një herë tjetër u dallua Diamond Stone, i cili realizoi 23 pikë.
Ndeshja e dytë gjysmëfinale do të zhvillohet të enjten, në kryeqytet.
Kujtojmë se skuadra që regjistron tri fitore kalon në finale.
Trepça mposht Prishtinën në gjysmëfinalen e parë / shkruan Gazeta Online Reporteri.net.
