Kapiteni i Kosovës, Amir Rrahmani, i ka komentuar zërat për mundësinë e largimit të trajnerit të kombëtares, Franco Fodës.
Rrahmani tha se Foda duhet të qëndrojë dhe shpreson të qëndrojë te Kosova, pasi sipas tij, ekipi kombëtar ka arritur të gjejë gjuhë të përbashkët me trajnerin Foda.
“Normalisht, duhet të qëndrojë Foda. Shpresojë që qëndron, pasi u bë vetëm një periudhë që është trajner i ynë dhe kemi arritur të gjejmë një gjuhë të përbashkët me ekipin dhe na ka bërë një grup që na ka bërë të besojmë se mund të arrijmë diçka të madhe. Shpresojë të qëndrojë dhe të arrijmë ndonjë rezultat historik”, tha Rrahmani në Klan Kosova.
Tutje, ai foli edhe për rolin që kombëtarja e Kosovës e ka luajtur në zhvillim e karrierës së tij, ku tha se pikërisht ishte ndeshja Bullgari – Kosovë, ajo që e bëri ekipin italian Verona, të nënshkruajë me Rrahmanin.
“Kombëtarja e Kosovës është pjesë shumë e rëndësishme e karrierës sime, pasi pas ndeshjes me Bullgarinë që e kemi luajtur në Sofje, ka ndodhur transferimi im në Verona, ku në atë kohë kur kam qenë në Dinamo Zagreb, i vetmi vit që kam luajtur mbrojtës i maj në Dinamo Zagreb”.
“Dhe trajnerit të Veronës i kam pëlqyer si lojtar dhe ndeshjen që e ka përcjellur komplet ka qenë ajo Bullgari – Kosovës me rezultat 2-3 kur shënoi Rashani. Ajo ndeshje më ka sjellur mua në Verona. Nga ajo ndeshje ka ardhur konfirmimi për të kaluar në Verona”, tha Rrahmani.
Rrahmani: Foda duhet të qëndrojë – na ka bërë të besojmë se mund të arrijmë diçka të madhe / shkruan Gazeta Online Reporteri.net.
