Një tjetër minator ka mbetur i plagosur këtë të shtunë në minierën e Bulqizës. 53 vjeçari Bilal Sula me detyrë armator ka qenë në frontin e punës teksa është plagosur rëndë si pasojë e shembjes së një masivi gurësh.
Minatori 53 vjeçar është dërguar fillimisht në spitalin e Bulqizës e më pas është transportuar për mjekim më të specializuar drejt spitalit të traumës në Tiranë.
Ndërkohë grupi hetimor ndodhet në vendin e ngjarjes ndërsa pritet që specialistët e AKSEM të bëjnë vlerësimin e rastit dhe kontrollin e kushteve të punës në galeritë e nëntokës ku ndodhi aksidenti./vizionplus.tv
