Nëse jeni duke urinuar më shpesh se zakonisht, mund të ketë një arsye të thjeshtë: ndoshta keni rritur sasinë e lëngjeve të marra kohët e fundit ose keni pirë shumë pije diuretike, të tilla si pije a me kafeinë ose gaz.
Por nëse këto shkaqe përjashtohen, urinimi i shpeshtë mund të ketë lidhje mjekësore; ka disa problem të zakonshme shëndetësore që mund të shkaktojnë një rritje të prodhimit të urinës .
Ja çfarë duhet të dini për një nga arsyet kryesore pse mund të përjetoni urinim të shtuar, i njohur gjithashtu si “polyuria”, si dhe çfarë duhet të bëni nëse mendoni se e keni atë.
Çfarë është poliuria?
Sipas urologëve, poliuria do të thotë të kesh periudha të shpeshta ose të shumëfishta të urinimit në një periudhë 24-orëshe. Një person me poliuri mund të prodhojë mbi 3 litra urinë në ditë.
Duhet të keni parasysh se poliuria është e ngjashme me nokturinë, por nuk është e njëjta gjë. Pasi njerëzit me nokturi kanë simptoma vetëm gjatë natës, por njerëzit me poliuri zakonisht kanë simptoma gjatë ditës dhe natës.
Më e rëndësishmja, është ndryshimi në shkakun rrënjësor ose burimin e urinimit të shtuar. Me poliurinë, trupi juaj në fakt po prodhon një sasi të tepërt të urinës, e cila shkakton urinim të shtuar.Ndërsa me nokturinë, trupi juaj nuk po prodhon shumë urinë – thjesht keni dëshirën për të shkuar më shpesh në tualet.
Çfarë e shkakton poliurinë?
Për shkak se poliuria nuk është vetëm urinim i shpeshtë ose ndjesia e nevojës për të shkuar në tualet më shpesh, është e nevojshme të kuptoni se çfarë po shkakton rritjen e prodhimit të urinës në mënyrë që të menaxhoni poliurinë tuaj. Në shumicën e rasteve, shkaku është diabeti i pakontrolluar, si i tipit 1 ashtu edhe i tipit 2.
Nëse një personi papritmas zhvillon urinim të shtuar, është e rëndësishme të shihet nëse ai ka diabet të pakontrolluar. Shfaqja e lartë e poliurisë tek njerëzit me diabet vjen nga glukoza. Sipas organizatës kërkimore JDRF, sheqeri i tepërt në gjakun tuaj nuk mund të përpunohet nga veshkat dhe të riabsorbohet përsëri në qarkullimin e gjakut; në vend të kësaj, ai tërheq më shumë ujë në urinën tuaj dhe nxit prodhimin e tepërt të urinës.
Ekziston një lloj tjetër diabeti, diabeti insipidus, i cili është gjithashtu shpesh përgjegjës për poliurinë, shpjegon Instituti i Diabetit dhe Sëmundjeve Digjestive dhe Veshkave. Mund të shkaktojë si etje të tepruar, e cila çon në konsumim ekstrem të ujit, ashtu edhe mungesë të diçkaje të quajtur vazopresinë, një hormon antidiuretik (ADH) që promovon ruajtjen e ujit në veshkat tuaja.
Sipas ekspertëve, disa probleme shëndetësore që lidhen me poliurinë përfshijnë:
Dështimi kongjestiv i zemrës
Venat me variçe
Sëmundja e veshkave
Sëmundja e tiroides
Poliuria është gjithashtu më e zakonshme tek të rriturit e moshuar, veçanërisht tek grate. Në shumë raste, ju mund të përjetoni atë që quhet një fillim akut i poliurisë: Nga pikëpamja e simptomave, kjo do të thotë se një person ka qenë mirë dhe më pas papritur është duke urinuar më shpesh gjatë ditës, më shumë se kurrë më parë.
/vizionplus.tv
