Sot përfundon viti shkollor 2023/2024 për nxënësit e shkollave fillore. Sivjet, për shkak të pushimit pranveror, u zgjat viti shkollor vetëm për nxënësit e shkollave fillore. Nxënësit e shkollave të mesme diplomuan më 10 qershor, me kërkesë të Unionit të Nxënësve të Shkollave të Mesme.
Zgjatja e vitit shkollor për nxënësit e shkollave fillore ka hasur në një sërë reagimesh, kryesisht nga prindër të cilët kërkuan përfundimin e mësimit para datës 17 qershor ose shkurtimin e mësimit, për shkak të temperaturave të larta ditore që arrijnë deri në 40 gradë. Sipas tyre, shkollat nuk i kanë kushtet për të zhvilluar mësimin normalisht në këto temperatura.
Ministria e Arsimit dhe Shkencës vendosi që mësimi të zhvillohet me orë të shkurtuara, por duke pasur kujdes që të ruhet thelbi i materialit mësimor.
Në një komunikatë për mediat, Ministria e Arsimit dhe Kulturës ka renditur edhe disa rekomandime për mbrojtjen e nxënësve nga moti i nxehtë – klasat dhe dhomat e tjera që përdoren në shkollë duhet të ajrosen vazhdimisht, nxënësit të inkurajohen dhe të lejohen të pinë më shumë ujë gjatë ditën e shkollës të mos hani ushqime të yndyrshme dhe që përmbajnë një sasi të madhe sheqernash.
“Këto rekomandime janë pjesë e rekomandimeve të përgjithshme për mbrojtjen nga valët e të nxehtit të qendrave shëndetësore publike, dhe në përputhje me Planin e veprimit shëndetësor për parandalimin e pasojave të valëve të të nxehtit në shëndetin e qytetarëve të Republikës së Maqedonisë së Veriut”, njoftoi Ministria e Arsimit dhe Shkencës.
Ministri i Arsimit dhe Shkencës, Jeton Shaqiri, më pas deklaroi se Ligji për arsimin bazë e specifikon numrin e saktë të ditëve të punës në shkolla, ndërsa shkollat e mesme nuk kanë obligim ligjor për numrin e saktë të ditëve të punës./Telegrafi/
Sot fillon pushimi veror edhe për nxënësit e shkollave fillore në Maqedoni appeared first on Telegrafi.
