Me akuza të ndërsjellta se në kohën e kujt janë shpenzuar më shumë para të popullit dhe vërejtje për të mos u shkurtuar nga buxhetet e disa institucioneve të caktuara, kaloi dita e sotme e parë e debatit për Ribalancin e buxhetit në Komisionin kuvendor për financim dhe buxhet.
Për deputetët nga shumica parlamentare, ribalanci është për shpëtim të shtetit sepse mjetet nga XBuxheti ishin planifikuar vetëm për gjashtë muajt e parë të vitit dhe hedhin para për obligime që duhet të paguhen nga ana e shtetit, përderisa sipas deputetëve të opozitës, ribalanci është për përmbushje të marrëveshjeve të koalicionit dhe nuk bëhet fjalë për kursim sepse nga Buxheti duhet të paguhen së paku 12 funksionarë të rinj me katër ministritë e reja.
Ministrja e Financave, Gordana Dimitrieska-Koçoska në ekspozenë tha se me ribalancin propozohet zgjidhja më optimale, duke i pasur parasysh gjendjet e hasura, resurset me të cialt disponohet dhe hapësira e vogël për manovra dhe gjendja makroekonomike.
“Me ribalancin sigurojmë mjete për të gjitha ato dhe për çdo gjë që është paraparë me ligj dhe nuk ka pasur mjete të planifikuara, gjegjësisht mjete për punëtorë, pensionistë, studentë, kompani, si dhe për pagesën e detyrimeve në bazë të kamatës, kredive, etj. Jemi munduar dhe kemi bërë kursime maksimale nga çdo gjë që nuk ka pasur dinamikë të realizimit dhe mjetet që kanë mbetur të pashfrytëzuara nga çdo gjë që paraqet shpenzime jo esenciale dhe kemi arritur të gjejmë kursime prej 20 miliardë denarë dhe t’i përdorim aty ku nevojiten”, tha Dimitrieska Koçoska.
Reaguan nga Këshilli buxhetor gjyqësor dhe nga Prokuroria publike duke thënë se nuk guxon të ketë shkurtime të mjeteve dedikaur për pushtetin gjyqësor dhe për prokurorinë, sepse, siç cekën, kjo do të ndikojë në autonominë e tyre dhe cilësinë dhe efikasitetin e drejtësisë.
Seanca dëgjimore e përgjithshme për Komisionin për financim dhe buxhet për ribalancimin e Buxhetit zgjat më së shumti tri ditë, ndërsa debati i amendamenteve zgjat gjashtë ditë. Në ditën e dhjetë Komisioni voton për ribalancin në tërësi.
Në Ribalancin e buxhetit, të ardhurat e përgjithshme janë planifikuar në nivel prej 318,2 miliardë denarë, ndërsa shpenzimet në nivel prej 362,8 miliardë denarë. Rritja e BPV-së është projektuar në 2,1 për qind, inflacioni në nivel prej 3,5 për qind, ndërsa deficiti buxhetor në 4,9 për qind.
Debati vazhdon nesër në orën 11:00.
Përfundoi dita e parë e debatit për Ribalancin e buxhetit në RMV, mbledhja vazhdon nesër appeared first on Telegrafi.
