“Me deklaratat e djeshme për krimin skandaloz në njoftimin e parkingut të Klinikës, Taravari dhe Mickoski konfirmuan se jo vetëm që fshihet një interes i madh afarist pas marrëveshjes me Gjokën, por se nuk kanë asnjë ndjenjë apo interesim për mbrojtjen e pacientëve”, tha LSDM në lidhje me njoftimin se parkingun e Klinikës do ta menaxhojë një kompani nga Shqipëria”, thonë nga opozitarja LSDM.
“Është skandaloze dhe e turpshme që ministri i Shëndetësisë arsyeton rritjen e çmimit të parkimit në Qendrën Klinike me çmime në qendrat tregtare. Qytetarët do të paguajnë 50 denarë në orë, e jo 30 si më parë për vizitë te mjeku. Ky është kulmi i paturpësisë – krahasimi i njerëzve që luftojnë për jetesën me blerësit në qendrat tregtare. Pacientët, përfshirë edhe ata që vuajnë nga kanceri dhe sëmundje të tjera të rënda, nuk kanë zgjidhje – duhet të vijnë në Qendrën Klinike dhe Qeveria po i shantazhon me çmime të larta parkimi”, thonë nga LSDM.
LSDM thotë se skandal shtesë është deklarata e Taravarit se kompanitë e tjera nuk kanë dashur të aplikojnë në tender sepse Qendra Klinike “nuk mund të qëndrojë atje më shumë se shtatë, tetë, dhjetë vjet.
“Kjo deklaratë e ekspozon plotësisht kaosin dhe paaftësinë e Qeverisë. Drejtori i Fondit për Shëndetësi, Sasho Klekovski, vetëm një muaj më parë deklaroi se ndërtimi i Qendrës së re Klinike është ndërprerë për arsye demografike dhe për shkak të numrit të reduktuar të banorëve. Pra, cila është e vërteta? Apo parkimi nuk është pjesë e marrëveshjes së koalicionit? Vetë ministri Taravari konfirmoi se qeveria kishte parashikuar një komision tejet të ulët për shtetin – vetëm 1% të të ardhurave vjetore të parkimit. Me këtë Mickoski dhe Taravari fjalë për fjalë ia japin parkingun një kompanie private, duke lejuar përfitime të mëdha në kurriz të pacientëve dhe qytetarëve. LSDM dënon ashpër marrëveshjen kriminale të Qeverisë së udhëhequr nga Hristijan Mickoski dhe ministrit të tij të Shëndetësisë Arben Taravari, përmes së cilës parkingu i Qendrës Klinike iu dha kompanisë “Gjoka” nga Shqipëria në kushte të dëmshme dhe poshtëruese për shtetin dhe qytetarët. Kjo marrëveshje kriminale, e cila është drejtpërdrejt në dëm të qytetarëve, tregon se qeveria e Mickoskit nuk ka shqetësim për sistemin shëndetësor dhe pacientët, por punon vetëm për interesa private. Përderisa institucionet publike shëndetësore po zhyten në borxhe dhe në mungesë të resurseve, Qeveria fjalë për fjalë po e shet pronën shtetërore për skrap pa vlerë”, thonë nga LSDM.
LSDM: Mickoski dhe Taravari do t’i detyrojnë pacientët e Klinikës të pagujnë parking me çmimet e qendrave tregtare appeared first on Telegrafi.
