Drejtori i Fondit për sigurim shëndetësor Sasho Klekovski, sot në konferencë për shtyp tha se personat e lënduar nga zjarri në Koçan, mjekohen në 14 vende dhe në mbi 25 spitale.
Ai theksoi se më parë në vend ka pasur rreth 100 djegie në vit dhe këtu përfshihen të gjitha shkaqet e mundshme.
“Djegiet nga zjarret janë kategoria më e rëndë sepse përveç lëkurës ka edhe dëmtime të frymëmarrjes. Në vitin 2024 kemi pasur pesë raste të rënda me djegie të shkallës së lartë. Kemi tre spitale në vend me përvojë me djegie – Klinika për kirurgji plastike, Spitali i qytetit të vjetër dhe Klinika për sëmundje të fëmijëve”, tha Klekovski.
Klekovski theksoi se ndër vite “kemi pasur pak pacientë dhe këto janë procedura të vështira dhe të komplikuara trajtimi”. Numri i madh i të lënduarve nga zjarri dhe lëndimet e rënda kanë qenë arsyeja pse është vendosur që pacientët të dërgohen jashtë vendit.
“Për momentin ekziston një ekip i specializuar i mjekëve nga Çekia, të cilët tashmë janë duke punuar me mjekët në klinikat e Maqedonisë. Pritet që të mbërrijnë edhe ekspertë britanikë për të ndihmuar në fazat e ardhshme të trajtimit të pacientëve me djegie”, tha Klekovski./Telegrafi/
Klekovski: Mjekë nga Çekia ndodhen në vend, do të vijnë edhe ekspertë britanik për ndihmë në fazat e ardhshme të shërimit appeared first on Telegrafi.
