Koreja e Veriut lëshoi sot raketa lundrimi në drejtim të Detit të Verdhë, tha Shtabi i Përgjithshëm i Mbrojtjes Kombëtare të Koresë së Jugut, ndërsa tensionet midis Seulit dhe Phenianit mbeten të larta.
“Ushtria jonë zbuloi disa raketa lundrimi të lëshuara nga Koreja e Veriut në drejtim të Detit të Verdhë rreth orës 07:00”, tha Shtabi..
Specifikimet e këtyre raketave janë duke u analizuar nga shërbimet inteligjente të Koresë së Jugut dhe ato amerikane, sipas të njëjtit burim.
Testet e raketave të këtij lloji nuk janë të ndaluara sipas sanksioneve të Këshillit të Sigurimit të OKB-së kundër Phenianit, ndryshe nga ato të raketave balistike dhe armëve bërthamore.
Nisjet erdhën ndërsa forcat e armatosura të Koresë së Jugut zhvillojnë stërvitje të forcave speciale – të cilat përfshijnë stërvitje për të depërtuar “thellë në pjesën e pasme të armikut” – në brigjet e saj lindore deri të enjten, mes shqetësimeve serioze të sigurisë, sipas Marinës.
Të dy vendet kanë pezulluar marrëveshjet që kanë nënshkruar në vitin 2018 për të parandaluar incidentet në kufijtë e tyre, kanë forcuar forcat e tyre në kufirin shumë të militarizuar dhe janë angazhuar në stërvitje artilerie, me sulme të drejtpërdrejta në drejtim të njëri-tjetrit./vizionplus.tv
