![Frikë për cunami pas tërmetit në Japoni, Koreja e Jugut gati të evakuojë banorët e një province Frikë për cunami pas tërmetit në Japoni, Koreja e Jugut gati të evakuojë banorët e një province](https://www.vizionplus.tv/wp-content/uploads/2024/01/240101082326-02-japan-earthquake-010124-wajima-632x400.jpg)
Provinca Gangwon e Koresë së Jugut ka paralajmëruar banorët që të marrin masa paraprake dhe të lëvizin në tokat më të larta pasi një tërmet i fortë goditi sot Japoninë veri-qendrore dhe shkaktoi frikë për cunami, tha Ministria e Brendshme.
Agjencia e motit të Koresë së Jugut tha më herët se nivelet e detit në disa pjesë të provincës Gangwon në bregun lindor mund të rriten pas tërmetit me magnitudë 7.6 të vlerësuar fillimisht që goditi Japoninë veri-qendrore dhe lëshoi një paralajmërim kujdesi.
Fillimisht u raportua se një cunami deri në 0.3 metra mund të arrijë në bregun lindor të Koresë së Jugut nga ora 11:29 deri në orën 12:17 të ditës së sotme.
Provinca Gangwon u tha banorëve në mesazhet e urgjencës që të qëndronin larg bregdetit dhe të lëviznin në zonat me lartësi më të madhe. Qyteti i Shamchok këshilloi banorët të lëviznin në zona më të larta se një ndërtesë trekatëshe, tha Ministria e Brendshme. /vizionplus.tv