Një ngjarje e rëndë është regjistruar në Çikago, ku një burrë ka vrarë gruan dhe tre vajzat e tij.
Mediat ndërkombëtare raportojnë se 63-vjeçari Maher Kasem, pasi është arrestuar nga policia ka deklaruar se: “gruaja ime ishte një k*rvë që kujdesej vetëm për paratë”.
63-vjeçari mëngjesin e së dielës qëlloi 7 herë gruan e tij 53-vjeçare Majeda dhe vajzat Halema, 25 vjeç, Zahia 25 vjeç dhe Hanan 24 vjeç, brenda shtëpisë së tyre në Tinley Park.
Në momentin e vrasësit të katërfishtë, njëri nga dy djemtë e familjes ndodhej brenda në shtëpi dhe flinte. “Ata janë zhdukur të gjithë”, thuhet se ka thënë sulmuesi kur mbërriti policia. “Po shkoj në burg”.
Kasemi, i cili kishte dalë në pension së fundmi, u tha oficerëve se “gruaja e tij ishte gjithmonë e shqetësuar për paratë dhe veçanërisht se si mund t’i aksesonte ato”.
“Kam punuar gjithë jetën time për t’i dhënë familjes time një shtëpi më të mirë dhe po trajtohem sikur të jem një …”, u tha burri autoriteteve.
Duke u përpjekur të shpjegojë se çfarë e shtyu të vriste gratë e familjes së tij, ai tha: “Gruaja ime më trajtoi si qen, më merrnin paratë”.
Përpara vrasjes Kasemi po zihej me njërën nga vajzat e tij në bodrumin e shtëpisë, ndërsa djali i tij 19-vjeçar flinte në një dhomë tjetër.
Djali thuhet se dëgjoi babanë e tij duke ecur lart e poshtë shkallëve më shumë se një herë, ndërsa dy motrat e tjera dhe nëna e tij u përpoqën ta qetësonin.
Papritur djali dëgjoi të shtëna armësh dhe shkoi në bodrum, ku pa nënën e tij të shtrirë në dysheme. Babai qëlloi sërish gruan dhe vajzat në sy të të birit. Pas të shtënave, Kasemi ka lajmëruar policinë se gruaja e tij është qëlluar me armë zjarri, por nuk ka dhënë detaje të tjera. Kur mbërritën oficerët, ata e pyetën se ku ishte viktima dhe ai i tregoi me gisht në bodrum.
“Ata janë larguar. Çdo gjë është në rregull”, deklaroi Kasem pasi u pyet nga policia.
Më pas policia e pyeti Kasemin nëse ishte qëlluar dikush tjetër dhe ai u përgjigj se ishin katër viktima: “Po shkoj në burg”, u tha ai oficerëve. “Unë jam i vetmi. Ata janë zhdukur të gjithë.”
Kasemi posedonte përgjithmonë një armë dhe ishte pa precedent penal. Një fqinj që e njihte familjen tha se ishte i tronditur nga vrasja dhe tha se “ata ishin një familje e mirë me një të ardhme të ndritur”.
“Vajza ime i njeh. Shkonj në shkollë me djalin e madh. Ai gjithmonë thoshte se ata ishin të gjithë shumë inteligjentë dhe kishin synime shumë të larta në jetë”, ka deklaruar një nga fqinjët.
Të tjerë e përshkruan Kasemin si një njeri që ndihmonte ata që e rrethonin dhe së fundmi kishte pastruar trotuaret nga bora.
Nga ana tjetër, të afërmit e autorit thanë se ai kishte nën vëzhgim të rreptë gruan dhe vajzat dhe një sherr mes tyre ka çuar në vrasje.
“Ai kishte të gjithë këta fëmijë rreth tij. Gruaja e tij nuk u lejua të dilte nga shtëpia. Unë vija dhe e nxirrja fshehurazi jashtë. Ai po i thoshte të mos fliste me mua”, tha kushëriri Mohamed Kasem për mediat e huaja.
