Sekretari i përgjithshëm i Aleancës për Shqiptarët, Krenar Lloga, ka dalë me reagim në lidhje me zgjedhjet e ardhshme dhe bashkëpunimin e ASH-së me partitë tjera.
Lloga thotë se askush nuk ka të drejtë t’i tregojë Aleancës për Shqiptarët se kur dhe si do të vendos për ardhmërinë e saj politike.
“Askush nuk ka të drejtën t’i tregojë Aleancës për Shqiptarët se kur dhe si do të vendos për ardhmërinë e saj politike, e aq më pak t’ia numëroj ditët. Partnerët që shkelin marrëveshjet publike të koalicionimit dhe rrjedhimisht detyrimet që lindin prej saj, s’kanë asnjë të drejtë për të mbajt leksione morali”.
“Aleanca për Shqiptarët drejtimin e vet e zgjedh brenda shtëpisë së vetë politike”, ka shkruar Lloga në rrjetet sociale.
Ndryshe, ditë më parë udhëheqësit e koalicionit “LEN” i bënë thirrje ASH-së që t’u bashkohet atyre, pasi siç thanë, kështu kërkojnë edhe votuesit e ASH-së./Telegrafi/
Lloga: Askush nuk ka të drejtë t’i tregojë ASH-së se kur dhe si do të vendos për ardhmërinë e saj politike appeared first on Telegrafi.