Ministri i Shëndetësisë, Fatmir Mexhiti ka takuar sot dekanin e Fakultetit të Mjekësisë, profesor Svetozar Antoviq dhe profesor Vesna Veliq Stefanovska, udhëheqëse e Institutit të Epidemiologjisë, me rastin e themelimit të parë të platformës elektronike kombëtare për botimin e studimeve shkencore epidemiologjike për situatën me sëmundjet malinje në vend, njoftojnë nga Ministria e Shëndetësisë.
“Për herë të parë po krijojmë platformë elektronike kombëtare për publikimin e studimeve shkencore epidemiologjike mbi kancerin e prostatës, kancerin e mitrës, kancerin e zorrës së trashë, kancerin e gjirit dhe kancerin e mëlçisë. Gjatë krijimit të metodologjisë së punës janë shfrytëzuar përvojat e vendeve anëtare të BE-së dhe Shteteve të Bashkuara të Amerikës. Ato tregojnë ndryshimin mesatar vjetor në përqindje të secilës nga pesë sëmundjet malinje për periudhën 2014-2022, sipas gjinisë, moshës dhe komunave”, thotë Mexhiti.
I gjithë kërkimi, theksojnë nga atje, do të vendoset në një platformë elektronike të hapur për të gjitha profilet e profesionistëve shëndetësorë, si dhe studentë, master dhe doktorantë të Fakultetit të Mjekësisë, Stomatologjisë dhe Farmacisë.
Platforma do të jetë e hapur edhe për shoqatat e pacientëve me sëmundje malinje dhe për të gjithë personat dhe institucionet e tjera të interesuara./Telegrafi/
Mexhiti: Krijuam sistem për shfrytëzimin e përvojave botërore në trajtimin e kancerit appeared first on Telegrafi.
