Kreu i partisë opozitare LSDM, Venko Filipçe ka publikuar deri më tani disa prej emrave me të cilët LSDM-ja do të garojë në zgjedhjet lokale.
Në mesin e emrave, mungoi emri i kryetarit aktual të Strumicës, Kostadin Kostadinov.
Për këtë ka reaguar vetë Kostadinov, i cili njoftoi se ka ngrirë anëtarësinë e tij në LSDM, duke theksuar se nuk pranon të jetë pjesë e partisë nën drejtimin aktual.
“Që nga sot, e ngrij anëtarësimin tim në LSDM. Jo me këtë udhëheqje, jo derisa LSDM të kthehet aty ku e ka vendin, e jo ku është sot. Kjo nuk është fundi. Ky është momenti kur njeriu duhet të flasë me ndershmëri dhe nga zemra. Në 11 vitet e fundit, që nga 2013, nuk kam humbur asnjë palë zgjedhje”, deklaroi mes tjerash Kostadinov.
Kujtojmë se Filipçe sot njoftoi se në Strumicë kandidat i LSDM-së do të jetë Marjan Daskallovski.
Kostadinov e ngrin anëtarësinë në LSDM: Jo me këtë udhëheqje, partia të kthehet aty ku e ka vendin appeared first on Telegrafi.
