Në seancën e sotme të pyetjeve parlamentare, kryetari i LSDM-së, Venko Filipçe, i dha një paralajmërim serioz kryeministrit Hristijan Mickoski dhe Qeverisë në lidhje me njoftimet për një miratim të mundshëm të një amendamenti në Parlamentin Evropian që do të relativizonte statusin e gjuhës maqedonase.
“Shtrohet pyetja: a është gjuha dhe identiteti i kërcënuar?” – pyeti Filipçe.
Ai kujtoi dokumente specifike që e përcaktojnë qartë gjuhën maqedonase si të barabartë, pa asnjë kusht.
“Do të citoj disa dokumente që janë pjesë si e propozimit francez ashtu edhe e dokumenteve nga Bashkimi Evropian, dhe përfundimeve të miratuara këtu, në Parlament, në vitin 2022. Dokumenti i parë janë konkluzionet e BE-së për hapjen e negociatave me Maqedoninë dhe Shqipërinë, pa asnjë kusht për gjuhën dhe identitetin.
Për më tepër, vetë Korniza Negociuese, ku gjuha maqedonase është deklaruar në mënyrë eksplicite, pa asnjë shtesë, asterisk ose shënim në fund të faqes. Dhe marrëveshja e nënshkruar me FRONTEX-in pastër në maqedonishtë”, tha Filipçe.
Ai paralajmëroi se për herë të parë ekziston një rrezik real që Parlamenti Evropian të miratojë një raport me një përcaktim të paqartë të gjuhës maqedonase.
“Në Parlamentin Evropian, për herë të parë ekziston një rrezik serioz që të miratohet një raport në të cilin gjuha është përcaktuar në një farë mënyre shtesë. Ne bëmë një fushatë të fortë në vitin 2022. Atëherë, ishte e njëanshme, ai raport u shkrua nga raportuesi i atëhershëm për Maqedoninë, ishte eurodeputeti bullgar Kuçuk, të cilin e ndaluam”, tha Filipçe.
Ai nënvizoi se çdo ndryshim që do të çonte në kushte të reja ose shtesa në gjuhën maqedonase është drejtpërdrejt në kundërshtim me konkluzionet e Kuvendit./Telegrafi/
Filipçe, Mickoskit: Gjuha dhe identiteti nuk janë negociuar kurrë, ato janë të konfirmuara me dokumente në BE appeared first on Telegrafi.
