Kryetari i Lidhjes Demokratik, Pavle Trajanov, sot i dorëzoi Kuvendit Projektligjin për ndryshimet në Kodin Zgjedhor, i cili propozon që Maqedonia të jetë një njësi e vetme zgjedhore.
“Ndryshime të tilla do të nënkuptojnë një shtysë të fortë për demokratizimin e procesit zgjedhor dhe shtetit në tërësi, si dhe çmontimin e “sistemit njëpartiak” të qeverisjes dhe rritjen e përgjegjësisë së degëve ekzekutive dhe legjislative”.
“Do të përfshihen më shumë parti në procesin e marrjes së vendimeve të rëndësishme dhe do të forcohet kontrolli legjislativ mbi degën ekzekutive. Me ndryshimet, i njëjti numër votuesish do të qëndrojë pas secilit deputet, dhe jo si më parë, në një njësi zgjedhore prej gjashtë, një deputet zgjidhet me 6,300 vota, dhe në një njësi zgjedhore prej tre, me 10,000 vota”, thonë nga LD.
Gjithashtu thonë se do të propozojnë që modeli proporcional të mbetet, pa prag zgjedhor, dhe që deputetët të llogariten sipas modelit D’Hont.
“Propozimi gjithashtu mundëson përfaqësim të pavarur nga partitë nga bashkësitë më të vogla etnike dhe garanton vende në Kuvend nëse ato kanë mbështetjen e votuesve të nevojshëm për një deputet”, thonë nga LD./Telegrafi/
LD dorëzon propozim për një njësi zgjedhore, Trajanov: Do demokratizohet procesi zgjedhor appeared first on Telegrafi.
