Partia bullgare “Ekziston një popull i tillë” (EPT) njoftoi se do të propozojë një deklaratë që do të konfirmojë qëndrimin e Bullgarisë në lidhje me Maqedoninë e Veriut. Këtë e njoftoi zëvendëskryetari i grupit parlamentar, Stanislav Balabanov, për gazetarët në parlamentin bullgar.
Ai theksoi se deklarata do t’u paraqitet të gjitha grupeve parlamentare.
Do të përmenden të gjitha marrëveshjet dhe elementët e Kornizës Negociuese, në mënyrë që të mos ketë presion nga jashtë Bullgarisë dhe që të bëhet gjithçka e mundur ndaj RMV-së dhe “rruga e tyre drejt BE-së është e shtruar nëse plotësojnë kushtet e tyre të pranimit”, theksoi Balabanov.
Balabanov tha se në emër të EPT-së, i bëjmë thirrje kryeministrit Rosen Zheljazkov, presidentit Rumen Radev dhe ministrit të jashtëm Georg Georgiev që të reagojnë ndaj temës dhe të drejtojnë vëmendjen e tyre, shtoi.
Arsyeja për deklaratën e tij ishin, siç raportuan mediat bullgare, veprimet e raportuesit të Parlamentit Evropian për progresin e Maqedonisë së Veriut dhe eurodeputetit austriak, Thomas Weitz.
“Në një kongres në Nica rreth dy javë më parë, Aleanca e Lirë Evropiane miratoi një deklaratë anti-bullgare”, tha Balabanov, duke shtuar se dokumenti thotë se Bullgaria po “kryen gjenocid kundër gjuhës maqedonase”.
Deputeti bullgar, siç raportohet nga mediat bullgare, shtoi gjithashtu: “Nuk e di se si asnjë institucion shtetëror nuk ka hasur në këtë informacion dhe nuk ka reaguar. Jam i bindur se të gjithë eurodeputetët tanë do të bëjnë gjithçka që është në fuqinë e tyre”./Telegrafi/
Balabanov: Do të propozojmë deklaratë që do të konfirmojë qëndrimin e Bullgarisë në lidhje me Maqedoninë e Veriut appeared first on Telegrafi.