Kryeministri Hristijan Mickoski, lidhur me parashikimet e Komisionit Evropian për rritjen ekonomike të Maqedonisë, deklaroi se rritja bazohet në realizimin e projekteve kapitale infrastrukturore si dhe në rritjen e konsumit, që është rezultat i rritjes së pagave, thonë nga shtypi i qeverisë.
“Pra, ajo bazohet në realizimin e investimeve kapitale infrastrukturore dhe konsumit, për shkak të rritjes së pagave. Ajo është pozitive, me perspektiva pozitive për shtetin edhe pse unë jam optimist se do të jetë edhe më e madhe.
Vitin e kaluar, kur u zgjodhëm si Qeveri, Banka Botërore parashikonte një rritje prej 1.8%. Ne e tejkaluam atë me rreth 70%, arritëm një rritje prej 2.8%. Tremujori i tretë, vitin e kaluar ishte 3%, i katërti 3.2%, ndërsa tani pres që rritja të jetë ndërmjet 3.5% dhe 4% të bruto produktit të vendit”, theksoi Mickoski.
Kryeministri tha se në tremujorin e parë të këtij viti kemi një rritje prej më shumë se 10%, bazuar në numrin e turistëve dhe në numrin e netëve të qëndrimit. Që është një rast i rrallë në Evropë — të mos them, i vetmi. Kemi rritje edhe në prodhimin bujqësor. Kemi gjithashtu rritje edhe në punimet ndërtimore të përfunduara. Konsumi ka rritje dyshifrore.
Kryeministri poashtu shtoi se kemi rritje të investimeve të huaja direkte dhe rritje të eksportit./Telegrafi/
Mickoski: Jam optimist se rritja e BPV-së do të jetë ndërmjet 3.5 dhe 4 për qind appeared first on Telegrafi.