Gjykimi për vrasjen e Vanjës dhe Pançes vazhdon më 21 maj pasi që sot në Gjykatën Themelore Shkup përfundoi procedura dëshmuese dhe u fillua me plotësimin e dëshmive. Në seancën e sotme dëshmi shtesë ka prezantuar Prokuroria mes të cilëve kishte dëshmi për xhirimet nga kamerat e sigurisë tek Velibor Manev, të cilët, sipas Prokurorisë, tregojnë se të pandehurit paraprakisht janë përgatitur për vrasje, e jo vetëm për rrëmbimin e Vanja Gjorçevskës.
Në xhirimin që është prezantuar në Gjykatë, është i dukshëm momenti kur Manev vendos lopatë në automjetin “Reno Kangu”.
Në deklaratë për mediat, e pandehura Ana Stojkoviq, sqaroi se xhirimi është prezantuar në përgjigje në pohimin e të pandehurve në rrëgimet e tyre se ata në të vërtetë nuk kanë pasur motiv për të vrarë, por janë nisur për të marrë peng njerëz.
“Megjithatë, fakti që ata më pas u kthyen vetëm për të lënë lopatën dhe për ta marrë me vete, ose më saktë, e kishin harruar, tregon pikërisht të kundërtën e deklaratave të tyre, se ata ishin tashmë të përgatitur për vrasje. Për këtë arsye, u paraqit edhe si dëshmi. Jo se nuk e kishim më parë. Ju e dini që janë paraqitur prova më parë se ata mbajnë lopata në automjetin e tyre, pastaj kthehen dhe e nxjerrin lopatën. Megjithatë, kjo ishte në drejtim të hedhjes poshtë të të ashtuquajturit motiv të dhënë në mbrojtje. Kjo absolutisht nuk lidhet me fajësinë e të pandehurit Aleksandar Gjorqevski sepse ai nuk akuzohet për vrasje, por për ndihmë dhe inkurajim në rrëmbimin e fëmijës”, tha ajo.
Kur u pyet nëse po e kërkonin ende armën, ajo u përgjigj se kishin dëshmi të mjaftueshme për të treguar fajësinë e të pesë të pandehurve.
Lidhur me mospërputhjen e gëzhojave, Stojkoviç shpjegoi se është procedurë standarde kur Prokuroria urdhëron një ekspertizë të një gëzhoje specifike, që gëzhoja të krahasohet me gëzhojat në sistemin e Ministrisë së Punëve të Brendshme, në rast se përputhet me një armë ose gëzhoja që janë gjetur ose me një armë të përdorur në një incident kriminal.
E pyetur nëse ende mbeten në qëndrimin se motivi është lakjmia, prokuroria Zhaklina Trajkovska u përgjigj me pohim.
Në aktakuzë thuhet se Lupço Palevski, Bore Videvski, Velibor Manev, Vlatko Keshishov dhe Aleksandar Gjorçevski, së bashku planifikuan rrëmbimin e 14-vjeçares Vanja me qëllim që të detyronin një anëtar të familjes së saj të ngushtë të jepte para për shpërblim. Rrëmbimi i të dëmtuarit, Pançe Zhezhovski, në Veles, sipas aktakuzës, ishte me qëllim që ta detyronin atë t’ua jepte automjetin e tij “Citroen” në mënyrë që ta përdornin atë për të rrëmbyer fëmijën në Shkup.
Vanja e mitur dhe Pançe, banor i Velesit, u raportuan të zhdukur më 27 dhe 24 nëntor, ndërsa më 3 dhjetor të vitit 2023 u gjetën të vdekur pranë Shkupit dhe Velesit.
Prokuroria: Vrasja e Vanjës dhe Pançes ishte paraprakisht e përgatitur, gjykimi vazhdon më 21 maj appeared first on Telegrafi.