Komiteti Ekzekutiv i OBRM-PDUKM-së mbajti mbledhje ku u diskutua për situatën aktuale ekonomike dhe politike në shtet.
Në kuadër të mbledhjes, Komiteti Ekzekutiv e autorizoi kryetarin e partisë, Hristijan Mickoski, që të propozojë zgjidhje të reja kadrovike për pozitat që deri më tani i takonin Aleancës për Shqiptarët, pas vendimit të Arben Taravarit për të lëshuar koalicionin qeveritar.
Nga OBRM-PDUKM thonë se ky hap i Taravarit u vlerësua si edhe një dëshmi tjetër se grupi i mbrojtësve të krimit dhe korrupsionit po shtohet me anëtarë të rinj.
“Në skenën politike është shfaqur një kuartet i ri, i koordinuar mirë dhe marionetë: LSDM, Aleanca, BDI dhe E Majta – emra të ndryshëm, por të njëjtin zot. Maskat janë të ndryshme, por skenaristi është i njëjtë. BDI prej vitesh ka investuar në krijimin e konkurrentëve të rremë politikë që në të vërtetë janë vazhdim i saj. Kështu i kemi marrë LSDM-në dhe Aleancën e Taravarit – parti me rejting pothuajse identik, të gatshme të shpenzohen në funksion të përpjekjes për rikthimin e BDI-së në pushtet. Dhe si çdo mall i konsumit, edhe këta do të hidhen në mbeturinat politike kur ta përfundojnë misionin e tyre”.
“Është për të ardhur keq që pikërisht këta varëse politike po përshtaten më së miri në rolin e ndihmësve servilë – pa qëndrim, pa vizion, pa dinjitet. Por, të jetë e qartë: shteti nuk po shkon në humnerë. Ne po e nxjerrim nga humnera. Ajo që i dhemb është fakti se tashmë nuk ka më amnisti, nuk ka më zhvatje, nuk ka më tenderë të kurdisur. I dhemb që drejtësia më në fund po troket në derën e tyre”, thonë nga OBRM-PDUKM.
OBRM-PDUKM: Mickoski autorizohet të propozojë zgjidhje të reja kadrovike, largimi i Taravarit nënkupton rrëzimin e një tjetër maske të koalicionit të krimit appeared first on Telegrafi.