Ministri i Brendshëm Pançe Toshkovski thotë se në rastin e tragjedisë në Koçan kanë vepruar në mënyrë joselektive dhe pa hezitim, gjë që sipas tij ka rezultuar me ngritje të padive penale të dhjetëra të të akuzuarve, në mesin e të cilëve funksionarë të kaluar dhe të tashëm.
“Në rastin e tragjedisë në diskotekën në Koçan, Ministria e Punëve të Brendshme ka realizuar hetim gjithëpërfshirës. Janë parashtruar kallëzime penale kundër 70 personave, në mesin e të cilëve ka edhe ministra, kryetarë komunash, shefa, inspektorë, zyrtarë policor të tanishëm dhe të kaluar si dhe shumë bartës tjerë funksionesh. Pa mbrojtje, pa selektim, pa hezitim”, tha Pançe Toshkovski, ministër i Punëve të Brendshme.
Po ashtu u ndal edhe te rasti “Aditiv”, që ka të bëjë me dyshime për keqpërdorime në Kombinatin e Minierva dhe Energjetikës (REK) Manastir, në të cilin janë të përfshirë 23 persona e së fundmi në zgjerimin e hetimit për këtë rast, dyshohet të jetë e përfshirë edhe kryetarja e Komisionit Antikorrupsion, Ministri këtë rast e sheh si simbol i asaj se siç tha nuk ka të paprekshëm kur bëhet fjalë për keqpërdorime të parave dhe resurseve publike.
“MPB nuk është më institucion i mbyllur, por tani MPB po punon krah për krah me qytetarët. Siguria nuk është privilegj, ajo është themel i çdo shoqërie. Pa të nuk ka as ekonomi, as drejtësi, as zhvillim”, tha Toshkovski.
Pikërisht për tragjedinë në Koçan, partitë opozitare kanë kërkuar dorëheqjen e ministrit Toshkovski, sepse sipas tyre hetimet dhe arrestimet janë bërë në mënyrë selektive. Në kërkesën për drejtësi edhe protestuesit e rastit të Koçanit kanë kërkuar dorëheqje nga posti i ministrit të Brendshëm./Shenja/
Toshkovski: Hetimet për tragjedinë në Koçan nuk janë selektive appeared first on Telegrafi.
