Prokuroria Themelore Publike në Shkup ka përfunduar procedurën paraprake dhe ka mbledhur provat në bazë të të cilave ka ngritur aktakuzë kundër një personi për dy vepra penale – “Shkaktim i rrezikut të përgjithshëm” sipas nenit 288, paragrafi 1 i Kodit Penal.
Siç njoftojnë nga Prokuroria, i akuzuari u identifikua si përgjegjës për shkaktimin e qëllimshëm të zjarrit në një shtëpi pushimi në Katlanovë dhe një apartament në Shkup, të cilat ishin në pronësi të gruas së tij, me të cilën ai ishte në procedura divorci.
“Së pari, më 1 maj, ai kërcënoi të dëmtuarin dhe djalin e tyre në telefon se do t’u digjte apartamentin dhe shtëpinë, dhe një ditë më vonë e zbatoi kërcënimin, duke shkaktuar zjarr me benzinë përpara dyerve të hyrjes së të dy ndërtesave. Zjarri u përhap si brenda shtëpisë ashtu edhe në apartamentin që ndodhej në ndërtesë, duke shkaktuar rrezik të konsiderueshëm për jetën e njerëzve”.
“Me propozim-akuzën, prokurori publik kompetent i paraqiti Gjykatës Themelore Penale të Shkupit propozim për vazhdimin e masës së paraburgimit të përcaktuar më parë për të pandehurin”, thonë nga Prokuroria.
Aktakuzë ndaj një personi për zjarrvënie, dogji shtëpizën e gruas me të cilën ishte në procedurë divorci appeared first on Telegrafi.