Ministria e Kulturës dhe Turizmit informon se nga gjithsej 123 institucione nga fusha e kulturës, janë përpunuar pagat e të punësuarve nga 74 institucione nacionale dhe 49 lokale.
Nga atje potencojnë se nuk janë të sakta akuzat e Sindikatës së punonjësve të kulturës së Maqedonisë (SPKM) se Ministria nuk i ka përpunuar paagt e pagave lokale.
“Ministria e Kulturës dhe Turizmit llogarit menjëherë pagat siç janë paraqitur nga komunat dhe ia çon ato Ministrisë së Financave për pagesë po atë ditë. Ju informojmë se Qyteti i Shkupit ende nuk ka dorëzuar dokumentacion të plotë për llogaritjen e pagave në Ministrinë e Kulturës dhe Turizmit për institucionet nën juridiksionin e tij: Biblioteka “Vëllezërit Miladinovci” – Shkup, Shtëpia e Kulturës “Koço Racin”, Kopshti zoologjik – Shkup, Qendra Kulturore e Fëmijëve – Karposh, Salla Universale, Qendra Kulturore Rinore – Shkup, Muzeu i Qytetit të Shkupit dhe Qendra Kulturore dhe Informative – Shkup”, thuhet në njoftimin e Ministrisë.
Siç theksojnë ata, sapo të dorëzohet dokumentacioni i plotë për pagat nga Qyteti i Shkupit, Ministria e Kulturës dhe Turizmit do ta përpunojë atë dhe do ta dorëzojë në Ministrinë e Financave për pagesë.
Mbështetje SPKM dhe punonjësve kulturore kanë dhënë edhe Lidhja e Sindikatave të Maqedonisë.
Ministria e Kulturës: Nga gjithsej 123 institucione, janë përpunuar pagat për 115 institucione appeared first on Telegrafi.
