Përfshirja e bullgarëve në Kushtetutën e Maqedonisë është kërkesa e parë, por jo e vetme e Maqedonisë së Veriut në rrugën e saj drejt anëtarësimit të plotë në BE. Kështu deklaroi ministri bullgar i Punëve të Jashtme, Georg Georgiev, duke folur për rrugën drejt anëtarësimit të vendit tonë në BE.
“Është shumë e rëndësishme të dihet se ndryshimi i Kushtetutës dhe regjistrimi i bullgarëve si popull shtetformues nuk është kushti i vetëm.
Me fjalë të tjera, nuk është mirë të lihet në gjithë këtë bisedë, me qëllimin eventual, që shpresoj të mos jetë kështu, nëse bëhet regjistrimi dhe plotësohet kushti për ndryshime kushtetuese në përputhje me konsensusin evropian, që dikush të thotë: “Shikoni, ne ju thamë se bullgarët nuk kanë vetëm një kërkesë”, tha Georgiev.
Sipas Georgiev, përveç ndryshimeve kushtetuese, konsensusi evropian përfshin edhe zbatimin e Marrëveshjes për fqinjësi të mirë në Bullgari dhe protokollet që dalin prej saj, si dhe një plan veprimi për mbrojtjen e të drejtave të pakicave.
“E gjithë kjo duhet të jetë fakt, përndryshe nuk do të ketë përmbushje të konsensusit evropian, nuk do të ketë përmbushje të konkluzioneve të Këshillit dhe nëse nuk është fakt, nuk do të mund të vazhdohet me hapjen e klasterit të parë për të drejtat e njeriut”, tha Georgiev.
Sipas Georgiev, ndryshimi i Kushtetutës vetëm do t’i hapë rrugën integrimit evropian, i cili do të kërkojë plotësimin e kushteve të tjera të vendosura nga BE-ja dhe ai nuk sheh ndonjë bilateralizëm apo çështje të hapur ndërshtetërore në të./Telegrafi/
MPJ e Bullgarisë: Ndryshimet kushtetuese nuk janë kushti i vetëm për anëtarësimin e Maqedonisë në BE appeared first on Telegrafi.