Drejtoria për zbatimin e sanksioneve ka kryer kontroll të jashtëzakonshëm në Institucionin Korrektues Shtip, pas një incidenti në të cilin zyrtarët e burgut kanë ndihmuar një të burgosur të gjejë një top me drogë që ishte zhvendosur në oborrin e burgut dhe sot të gjitha dokumentet me kallëzim penal i kanë dorëzuar në Prokurori, njoftoi drejtori i Drejtorisë së Përmbarimit të Sanksioneve, Aleksandar Pandov.
Nga ngjarja në burgun e Shtipit, siç informoi sot Pandov në një konferencë të përbashkët për media me drejtorin e burgut Shtip, Dejan Zdravev dhe zëvendësin e tij, Gjorgji Hubev, ka edhe një video incizim të bërë nga video vëzhgimi në burg.
“Më 20.02. para burgut të Shtipit ka ardhur një veturë, nga e cila ka dalë një person dhe ka ardhur afër murit dhe ka hedhur një top. Menjëherë pas kësaj, atje janë shfaqur të burgosurit ZH.ZH. dhe R.K. Njëri i burgosur bisedonte në telefon, ndërsa tek ato u paraqit një polic i burgut dhe u kërkoi që të largohen dhe se nuk guxojnë të jenë në atë kohë në atë vend. Komandanti ka thirrur edhe katër policë tjerë të burgut të cilët u përshëndetën me ZH.ZH., i cili edhe atje bisedonte në telefon. Pas kësaj, zyrtarët e burgut vazhdojnë të kërkojnë topin me të burgosurit”, tha Pandov.
Të nesërmen e mori vesh drejtori i burgut dhe me urdhër të tij u kontrollua sërish oborri dhe në një qese u gjet një top, në të cilin u gjetën 35 gramë lëndë pluhuri e bardhë, ndoshta kokainë dhe 50 gramë marijuanë.
“Kur drejtori pyet komandantin dhe policinë e burgut se çfarë kërkonin dhe pse nuk reaguan, shpjegimi në shënimin e tyre zyrtar është se i thanë se i burgosuri ZH.ZH po luante me qenin Ceca, kishte një orë të shtrenjtë që u tha se vlente së paku 1000 euro, për të cilën duhet të theksoj se nuk kishte denoncuar se ishte sjellë në burgun e Shtipit!, Pandov.
Droga, tha Pandov, menjëherë është raportuar në Drejtorinë e Policisë së Shtipit dhe me urdhër të drejtorit është formuar komisioni disiplinor i përbërë nga pesë anëtarë, të cilët kanë video-incizim, i cili më 28 mars të këtij viti ka vendosur që policët e burgut nuk janë fajtorë./Telegrafi/
Kallëzim penal kundër zyrtarëve të burgut në Shtip, ndihmuan një të burgosur të gjente drogën e transferuar në oborrin e burgut appeared first on Telegrafi.
