Propozimi për “branitellat” nuk kalon, LSDM-ja ka mbetur pa kauzë, kështru shprehen nga koalicioni VLEN.
“Sot, në seancën e Komisionit parlamentar për Punë dhe Politikë Sociale dhe Demografi, udhëheqësja e këtij Komisioni, deputetja e koalicionit VLEN, Imërlije Saliu, ua kujtoj edhe njëherë deputetëve të LSDM-së se kauza e tyre është e rrejshme dhe se këtë Ligj është ta miratojnë ata deri sa kanë qeverisur me BDI-në, parti që e ka votuar këtë propozim Ligj disa herë”, thuhet në komunikatën e koalicionit VLEN.
“Deputetja Saliu nga pozita e kryetares së Komisionit dëshmoi edhe njëherë pjekuri politike e legjislative me çka refuzoi ta fus në rend dite propozim Ligjin për branitellat. Sipas saj një veprim i tillë flet për shkelje ligjore sepse ky propozim nuk ka tani më kurrfarë baze ligjore. Në Komision deputetëve të LSDM-së iu bë edhe njëherë me dije se ky Ligj nuk mund të kalon dhe kjo gjë ka marrë fund. Prandaj, i bëjmë thirrje LSDM-së të reflektojë e të mos shkaktoj pengesë dhe bllokadë në Komision pasi këtu kalojnë çështje që janë të rëndësishme për qytetarët tanë. Deputetët janë zëri i qytetarëve dhe assesi nuk duhet të jenë bllokatorë të proceseve të rëndësishme për ta. VLEN të vendosur, të pa luhatur, të përgatitur në përmirësimin e jetës së qytetarëve përmes miratimit të ligjëve që bashkojnë dhe jo atyre që diskriminojnë e ndajnë qytetarët!”, thuhet në reagimin e VLEN-it.
VLEN: Propozimi për “branitellat” nuk kalon, LSDM ka mbetur pa kauzë appeared first on Telegrafi.
