Ministri i Punëve të Jashtme, Timço Mucunski tha se, në mundësitë që kanë pasur, kanë bërë gjithçka për t’iu ofruar ndihmën e nevojshme të prekurve nga tragjedia në Koçan, që siç tha, do të vazhdojnë me përkushtimin e njëjtë.
“Përmes Shtabit të Krizave dhe misioneve tona diplomatike dhe konsullore kemi bërë gjithçka në kompetencën dhe mundësitë tona dhe do të vazhdojmë me të njëjtin përkushtim derisa të ofrojmë ndihmën dhe kujdesin më të mirë të mundshëm për bashkëqytetarët tanë të lënduar në ngjarjen tragjike në Koçan”, tha Timço Mucunski – ministër i Jashtëm.
Gjithashtu Mucunski informoi se gjithsej 116 pacientë janë shtruar në 14 shtete, prej të cilëve 38 persona kanë marrë kujdes mjekësor përmes Mekanizmit të Mbrojtjes Civile të Bashkimit Evropian, i aktivizuar menjëherë pas aksidentit nga Qeveria e Republikës së Maqedonisë së Veriut.
Mucunski: 116 pacientë nga RMV janë shtruar nëpër spitalet e 14 shteteve appeared first on Telegrafi.
