Në Gjykatën Themelore Penale në Shkup sot do të vazhdojë gjykimi për Ljupço Palevskit, Bore Videvskit, Velibor Manev, Vlatko Keshishev dhe Aleksandar Gjorçevskit, me marrje në pyetje të të akuzuarve për vrasjen e Vanjës dhe Pançes.
Siç kumtoi gjyqtari Ivica Stefanovski në seancën e mbajtur më 5 mars, i pari do të dëgjohet Manev, pastaj Videvski, Keshishev, Gjorçevski dhe në fund Palevski.
Në seancën e fundit mbrojtja e Palesvskit propozoi në Gjykatë të dorëzohet gëzhoja e gjetur në vendin ku është gjetur trupi i Pançe Zhezhoskit për të cilin ekspertiza konstatoi se ishte nga një armë e kalibrit 9 milimetra. Ai gjithashtu kërkoi që dy ekspertë të thirren para Gjykatës për ekspertizë shtesë të gëzhojës. Gjykata do të vendosë për këtë kërkesë sot.
Sipas aktakuzës, Ljupço Palevski, Bore Videvski, Velibor Manev, Vlatko Keshishov dhe Aleksandar Gjorçevski akuzohen se bashkërisht kishin planifikuar rrëmbimin e 14-vjeçares Vanja me qëllim që të detyronin një anëtar të familjes së saj të ngushtë që të siguronte para për ryshfet. Rrëmbimi i të dëmtuarit, Pançe Zhezovski, në Veles, sipas aktakuzës, ka qenë me qëllim që ta detyrojnë t’ua japë automjetin e tij Citroen, në mënyrë që ta përdorin për ta rrëmbyer fëmijën në Shkup.
Më 27 dhe 24 nëntor Vanja e mitur dhe banori i Velesit Pançe u raportuan të zhdukur, ndërsa më 3 dhjetor 2023 u gjetën të vdekur në afërsi të Shkupit dhe Velesit.
Vazhdon gjykimi për vrasjen e Vanjës dhe Pançes, do të merren në pyetje të akuzuarit appeared first on Telegrafi.
