Sindikatat do të dalin në rrugë nëse qeveria nuk e plotëson kërkesën për rritjen e pagës minimale në 500 euro. Sindikatat po i japin qeverisë një shans të ri për t ‘u ulur dhe për të gjetur një zgjidhje të përbashkët për pagën minimale, por nëse kjo nuk ndodh, ata paralajmërojnë protesta që do të ndodhin në fillim të prillit.
“Nuk do të jetë faji ynë apo i askujt tjetër nëse më 2 dhe 7 prill punëtorët shkojnë në protesta, sepse ne do të marrim një vendim të ri. Ne nuk do të jemi fajtorë, nëse dalim në rrugë dhe marrim një vendim para qeverisë dhe punëdhënësve, para atyre që nuk duan të na rrisin pagat. Nëse dikush mendon se 24,400 denarë është paga e mjaftueshme për punëtorët në Maqedoni si një pagë minimale nën të cilën nuk mund të paguhet asnjë pagë dhe paga më e ulët ë rajon është 457 euro në Serbi, mendoj se do të duhet të ndezin autobusët dhe të na zhvendosin të gjithëve nga Maqedonia, diçka që unë mendoj se duhet të na shqetësojë absolutisht të gjithë”, tha Slobodan Trendafilov – kryetar i LSM-së.
Qytetarët thonë se nevojitet një rritje urgjente e pagës minimale.
“Nëse duhet të paguash qiranë, absolutisht me çmime të larta të faturave, 20 ditë me zor, 10 të tjerët do të rrish i uritur”, u shpreh një qytetar.
“Minimumi 500 euro eshte ajo qe duhet bërë për standartin tonë, dhe edhe me keto 500 euro eshte e veshtire te kalosh. Gjithçka është shtrenjtë, çmimet janë evropiane dhe standardi ynë është ballkanik”, theksoi një qytetar tjetër.
“Nuk mund të mbijetojë, sepse është shumë shtrenjtë, kudo është e shtrenjtë, gjithçka është e shtrenjtë, në treg, dyqane. 20 ditë deri tre javë, të tjerat do të shikojmë në qiell”, tha një qytetar.
“Po duhet të rritet, por një rrogë duhet të jetë më shumë se 500, varet sa anëtarë ka familja, 3-4 anëtarë nuk mund të kalojnë me 500 euro, duhet të jetë më shumë, 600 deri 800 euro… 0:56 Çmimet janë rritur shumë, ushqimi, nuk mund të jetosh me 24 mijë, paga minimale duhet të jetë mbi 600 euro deri në 800 euro”, u shpreh një qytetar.
Sipas ligjit, paga minimale duhet të rritet me 1,800 denarë, pra do të jetë 24,400 denarë dhe duhet të përcaktohet në gjysmën e dytë të marsit në Këshillin e ardhshëm Ekonomik dhe Social.
Maqedoni, kërkohet 500 euro pagë minimale appeared first on Telegrafi.