Tetë subjekte juridike, duke përfshirë tre markete, një farmaci dhe tre importues të mëdhenj të pemëve dhe perimeve, janë mbyllur për 15 ditë pasi nuk kanë respektuar masat e marzhit të qeverisë.
Siç njoftoi sot drejtori i Inspektoratit Shtetëror të Tregut (ISHT), Vlatko Stojkoski, kontrollet kanë përcaktuar marzhe deri në 70 për qind te këto persona juridikë.
Sipas Stojkoskit, përveç mbylljes, ata do të gjobiten edhe me të holla.
“Po punohet për 30 raste të tjera që mbulojnë të gjitha tregjet kryesore. Inspektorët janë vazhdimisht në terren, ne bëjmë kontrolle në vazhdimësi dhe do të vazhdojmë të bëjmë”, Stojkoski.
Megjithatë, vlerësimi i tij i përgjithshëm është se masat e Qeverisë po respektohen.
Nga data 24 shkurt deri më 6 mars janë kryer 365 kontrolle në tregtinë me pakicë dhe 64 në tregtinë me shumicë, duke mbuluar mbi një mijë pika të shitjes me pakicë dhe shumicë. Janë konstatuar gjithsej 36 parregullsi dhe janë lëshuar urdhërpagesa për kundërvajtje prej 42.000 euro./Telegrafi/
ISHT: Mbyllen markete, barnatore dhe importues te të cilët është konfirmuar marzha deri 70 përqind appeared first on Telegrafi.
