Autoritetet italiane kanë nisur hetimet për vrasje pas vdekjes së një vajze 20-vjeçare me alergji ndaj qumështit, e cila, sipas një raporti në Daily Mail, vdiq nga shoku alergjik pasi iu servir një ëmbëlsirë tiramisu e bërë me qumësht kur ajo dyshohet se ishte siguruar se ishte përgatitur me përbërës vegan
Anna Bellisario dhe i dashuri i saj thuhet se kanë darkuar në një restorant të ushqimit të shpejtë në Milano më 26 janar 2023.
Kur porositi tiramisunë vegane, vajza kontrolloi etiketën dhe kërkoi informacion shtesë për ëmbëlsirën, duke informuar dyqanin se ishte alergjike. Pasi e siguruan, ajo filloi ta hante.
Me lugën e dytë vajza kuptoi se diçka nuk shkonte dhe vrapoi në tualet duke u përpjekur të vjellë.
Ajo mori ilaçe për astmën dhe kortizon, të cilat i mbante gjithmonë me vete, por pak më vonë ajo humbi jetën nga shoku anafilaktik.
E reja vdiq në spitalin San Raffaele. Dy gratë që drejtonin dyqanin e pastiçerisë që furnizonte restorantin përballen me akuzat për vrasje.
Siç treguan gjetjet paraprake, dy gratë ngatërruan faturat e ëmbëlsirave vegane me të tjerat që përmbajnë qumësht.
Dyshohet se kompania nuk ka penguar përzierjen e dy linjave të prodhimit në punishten e pastiçerisë, e cila në atë kohë furnizonte 63 restorante me tiramisu vegane.
Prokurorët, bazuar në informacionet e përgjuara, thanë se nëse ndarja e përbërësve do të ishte bërë siç duhet, ëmbëlsirat vegane prodhoheshin në një zonë të veçantë nga pjesa tjetër dhe stafi kishte marrë trajnimin e duhur dhe jo një seminar, produktet e qumështit nuk do të ishin përzier me produkte me origjinë bimore në laboratorin e ëmbëlsirave, gjë që ka rezultuar në ngatërrimin e produktit.
Autoritetet italiane gjetën gjurmë të proteinave të qumështit në pako të tjera tiramisu të së njëjtës markë.
Por përtej kësaj, gjurmë veze u gjetën edhe në majonezën që përmbante sanduiçin vegan, të cilin vajza e hëngri edhe atë ditë fatale në restorantin e ushqimit të shpejtë. /vizionplus.tv
