Parashikueshmëria në procesin e anëtarësimit në BE nuk është vetëm çështje procedurale, por është gur themel i stabilitetit dhe përparimit tonë. Si vend që e fundit e kaloi me sukses rrugën drejt anëtarësimit në BE, përvoja dhe përfaqësimi kroat në emër të Ballkanit Perëndimor janë absolutisht vendimtare. Historia e suksesit të Kroacisë është një frymëzim për të gjithë ne dhe një kujtesë se me këmbëngulje, unitet dhe vizion strategjik, anëtarësimi në BE është ende i arritshëm.
Këtë, ndër të tjera, e theksoi ministri i Punëve të Jashtme dhe Tregtisë së Jashtme, Timco Mucunski, në seancën speciale të Konferencës Vjetore të ambasadorëve, konsujve të përgjithshëm dhe përfaqësuesve ushtarak të Kroacisë jashtë vendit, ku u drejtua në temen “Bashkimi Evropian pas ciklit të ri zgjedhor: Evropa – lokale dhe globale dhe situata në EJL: Nga pikëpamja e RMV-së”.
Siç kumtoi Ministria e Punëve të Jashtme dhe Tregtisë së Jashtme (MPJTJ), Mucunski që nga dje, me ftesë të ministrit të Punëve të Jashtme dhe Evropiane, Gordan Gërliq Radman, ndodhet në një vizitë pune në Republikën e Kroacisë, gjatë së cilës zhvilloi një takim të veçantë me nikoqirin e tij. Në takimin me Ministrin e Punëve të Jashtme të Kroacisë, të dy ministrat përshëndetën marrëdhëniet e shkëlqyera dypalëshe me dialog intensiv politik, bashkëpunim konstruktiv në të gjitha fushat me interes të përbashkët, aleancën dhe miqësinë e NATO-s që është ushqyer në 32 vitet e fundit. Njëkohësisht, shtohet, bashkërisht konstatuan se miratimi i Deklaratës së përbashkët ndërmjet kryeministrave Mickoski dhe Plenkoviq është pikërisht në atë drejtim – për të konfirmuar të ardhmen evropiane të vendit dhe vullnetin e ndërsjellë për intensifikimin e mëtejmë të bashkëpunimit bilateral.
“Ministri Mucunski shprehu mirënjohje për mbështetjen e vazhdueshme të Kroacisë në procesin e integrimit tonë në BE, i cili ka një rëndësi të veçantë për zhvillimin e rajonit dhe stabilitetin e Evropës. Në këtë drejtim, ministri Radman e konfirmoi qëndrimin e Kroacisë në mbështetje të zgjerimit të BE-së dhe procesit të reformave të vendin tonë, me synimin për një integrim sa më të shpejtë në Union. Mucunski dhe Radman shkëmbyen mendime dhe pikëpamje për sfidat aktuale rajonale dhe globale, me qëllim të koordinimit më të madh dhe bashkëpunimit të zgjeruar në këtë drejtim”, theksohet në kumtesën.
Fokus i veçantë në bisedime ishte bashkëpunimi ekonomik, ndërsa u shqyrtuan mundësitë për intensifikimin e tij. Mucunski e shfrytëzoi këtë rast për të informuar për kompetencat e reja të Ministrisë që ai drejton, dhe në këtë kuptim theksoi nevojën e përforcimit të potencialeve ekonomike dhe të jashtme tregtare për bashkëpunim.
Në kuadër të vizitës së tij në Zagreb, ministri Mucunski foli edhe në Konferencën vjetore të ambasadorëve, konsujve të përgjithshëm dhe përfaqësuesve ushtarak të Kroacisë jashtë vendit, duke folur me temën “Bashkimi Evropian pas ciklit të ri zgjedhor: Evropa – lokale dhe globale dhe situata në EJL: Nga këndvështrimi i RMV-së.
Në fjalimin e tij, Mucunski theksoi se miqësia mes Maqedonisë së Veriut dhe Kroacisë është një shembull i shkëlqyer se çfarë mund të arrihet kur kombet punojnë së bashku në frymën e bashkëpunimit dhe respektit të ndërsjellë.
“Historia dhe aspiratat tona të përbashkëta kanë hedhur një themel të fortë për një partneritet që jo vetëm që përfitojnë dy vendet tona, por gjithashtu kontribuon në stabilitetin dhe prosperitetin e të gjithë rajonit. Marrëdhëniet tona dypalëshe janë një dëshmi e fuqisë së diplomacisë, duke treguar sesi dialogu dhe bashkëpunimi mund t’i shndërrojnë sfidat në mundësi. Në këto kohë që ndryshojnë me shpejtësi dhe janë gjithnjë e më të paqëndrueshme, kërkohet vigjilencë e lartë, mendim strategjik dhe angazhim proaktiv në partneritet me sa më shumë vende me të njëjtin mendim. Ata kërkojnë përdorimin e plotë të potencialit tonë të politikës së jashtme, duke filluar nga diplomacia tradicionale deri te tregtia, ndihma humanitare dhe investimet”, ka theksuar Mucunski, theksojnë nga MPJ-ja.
Duke folur me diplomatët kroatë për hapat tanë reformues në procesin e integrimit në BE, Mucunski, theksohet, ka thënë se parashikueshmëria në procesin e pranimit në BE nuk është vetëm një çështje procedurale – ajo është një gur themel i stabilitetit dhe përparimit tonë.
“Ai u jep qytetarëve tanë shpresë dhe një ndjenjë drejtimi, motivon reformat tona dhe ankoron aspiratat tona në familjen më të gjerë evropiane. Në këto kohë të trazuara, ku tensionet globale dhe sfidat rajonale janë gjithnjë të pranishme, angazhimi i BE-së ndaj zgjerimit duhet të jetë i pamëshirshëm. Nuk ka të bëjë vetëm me mbajtjen e premtimeve të bëra; ka të bëjë me njohjen e rëndësisë strategjike të integrimit të Ballkanit Perëndimor në një Evropë të bashkuar, të sigurt dhe të begatë. Është një domosdoshmëri strategjike dhe një mundësi historike!, theksoi ministri.
Në kuadër të agjendës së BE-së, në pjesën e fundit të fjalimit të tij, ai theksoi se mbështetja nga Kroacia është e paçmueshme.
“Si një vend e cila e fundit e kaluar me sukses rrugën drejt anëtarësimit në BE, përvoja dhe përfaqësimi kroat në emër të Ballkanit Perëndimor janë absolutisht vendimtare. Historia e suksesit kroat është një frymëzim për të gjithë ne dhe një kujtesë se me këmbëngulje, unitet dhe vizion strategjik, anëtarësimi në BE është ende i arritshëm”, shtoi Mucunski.
Në kuadër të vizitës së punës, ministri Mucunski nesër si anëtar i delegacionit shtetëror të kryesuar nga kryeministri Hristijan Mickoski, do të marrë pjesë në programin e vizitës së tij të parë zyrtare në Republikën e Kroacisë, e cila po realizohet me ftesë të kryeministrit kroat Andrej Plenkoviç”, qëndron në kumtesën nga MPJTJ.
Mucunski nga Zagrebi: Parashikueshmëria në procesin e pranimit në BE është një gurthemel i stabilitetit dhe përparimit tonë appeared first on Telegrafi.