Shpërndarja e Këshillit Gjyqësor dhe atij të Prokurorëve, nuk është ide e qëlluar, pasi mund të krijohet precedent që çdo qeveri e ardhshme të kërkojë shpërndarjen e këtyre këshillave, të cilat janë të pavarura nga pushteti ekzekutiv.
Kështu vlerëson Ivana Petkovska nga Koalicioni Të gjithë për Gjykim të Drejtë, në lidhje me paralajmërimet e qeverisë për reforma në gjyqësor, shkruan Alsat.
“Këtu rol kyç duhet të ketë edhe Kuvendi, veçanërisht në pjesën e ngritjes së interpelancës për anëtarët e Këshillit Gjyqësor të cilët vijnë nga radhët e juristëve të shquar, gjegjësisht ata që zgjedhën nga radhët e Kuvendit dhe me propozim të Kuvendit. Kështu që me rëndësi është që Kuvendi ta kërkojë përgjegjësinë për anëtarët e këshillave në lidhje me punën e tyre. Duke e pasur parasysh se janë zgjedhur nga Kuvendi. Në periudhën e kaluar kanë ndodhur ja edhe ndryshim të anëtarëve të këshillave. Disa anëtarëve ju mbaron mandati, fillojnë të vijnë anëtarë të rinj në këshilla. Kështu që, filtrohen anëtarët e këshillit, të cilët i kemi, pra që vijnë nga radhët e gjyqtarëve”, tha Ivana Petkovska, Koalicioni të Gjithë për Gjykime të Drejta.
Paralajmërimi i kryeministrit Hristijan Mickoski për shpërndarjen e këshillave, tanimë disa muaj është temë kryesore për reformat në gjyqësor, për çka u përplas edhe me faktorin ndërkombëtar, pasi të njëjtit nuk pranojnë një propozim të këtillë.
Për këtë çështje Mickoski dje bisedoi edhe me kryetaren e Këshillit Gjyqësor Vesna Dameva. Ai sot edhe një herë përsëriti se do të realizojë programin që parasheh shpërbërjen e dy Këshillave, megjithatë është i gatshëm të dëgjojë edhe propozime të tjera.
“Ne kemi program dhe po në programin tonë qëndron se duhet të shpërndahet Këshilli Gjyqësor kështu siç është i partizuar. Por edhe Këshilli i Prokurorëve, pasi e shihni atje çfarë ndodh. Njerëz të cilët janë pjesë e atij institucioni, ngadalë, por sigurt kanë pranime për kryerje të veprave penale e kështu me radhë. Por, pasi është hapur debati në opinion, ne jemi të përgatitur si qeveri transparente, qeveri e cila dëshiron të kujdeset për të ardhmen dhe jo për të kaluar është që t’i dëgjojmë të gjithë dhe të bëjmë një mozaik nga i gjithë kjo”, u shpreh Hristijan Mickoski, Kryeministër.
Gjyqësori vazhdon të jetë në qendër të kritikave për shkak të nivelit të ulët të besimit të qytetarëve.
Rasti i gjykatësit suprem Naqe Georgiev dhe zëvendëskryetarit të Këshillit të Prokurorëve Ixhet Memeti, të cilët pranuan fajin se kanë marrë ryshfet për të ndikuar në një lëndë, ka shkaktuar reagime të ashpra. Memeti në vend të burgut u dënua me kusht, ndërsa Georgiev u dënua me 3 vjet burg./Alsat/
Petkovska: Shpërndarja e Këshillit Gjyqësor dhe atij të Prokurorëve, nuk është ide e qëlluar appeared first on Telegrafi.
