Çdo reformë e Këshillit Gjyqësor dhe çdo reformë e sistemit gjyqësor në përgjithësi duhet të bëhet me shumë kujdes, të shqyrtohen me kujdes dhe të merren vendime të mençura, tha sot ambasadorja amerikane Anxhela Ageler duke iu përgjigjur pyetjeve të gazetarë se si duhet të zbatohen reformat në këtë sferë.
E pyetur për të shprehur qëndrimin e saj në lidhje me reformat pas vizitës së pjesëtarëve të Grupit të batalionit të lehtë të këmbësorisë në kazermën “Jane Sandanski” në Shtip, Ageler theksoi se BE-ja ka një udhërrëfyes se si duhet të zbatohen reformat dhe se ata si Ambasadë dhe si shtet e mbështesin atë.
“Konkluzioni im për pyetjen nëse duhen reforma në gjyqësor është: “Po, ato janë absolutisht të nevojshme”, tha Ageler.
Ambasadori evropian në largim Dejvid Gir në konferencën për përparimin në zbatimin e rekomandimeve të Misionit vlerësues, që u mbajt së fundi në Shkup, deklaroi se shpërbërja e Këshillit Gjyqësor dhe Këshillit të Prokurorëve Publikë është një ndërhyrje direkte në pavarësinë e gjyqësorit dhe beson se nëse kjo do të ndodh do të shkaktojë shqetësim serioz në BE. Gir theksoi se përpjekjet për të forcuar sundimin e ligjit nuk duhet të bëhen në një mënyrë që, siç thotë, do të shkelte parimet e ndarjes së pushteteve.
Në Konferencë u drejtua edhe Ageler dhe më pas theksoi se Raporti i Misionit të vlerësimit të BE-së është një udhërrëfyes i vlefshëm për ristrukturimin e Këshillit Gjyqësor dhe rivendosjen e rolit të tij brenda gjyqësorit.
Pas kësaj kryeministri Hristijan Mickoski i komentoi deklaratat e ambasadorëve të SHBA-së dhe BE-së, të cilët kundërshtuan shpërbërjen e Këshillit Gjyqësor dhe Këshillit të Prokurorëve Publikë. Mickoski tha se “është bërë praktikë që ambasadorët të përzihen në punët e brendshme të shtetit”, duke shtuar se duhet të ofrojnë zgjidhje për problemin e besimit në gjyqësor dhe theksoi se është i hapur për bisedë.
Ageler sot i është përgjigjur edhe pyetjes për një përditësim të mundshëm të “listës së zezë” të SHBA-ve me persona të rinj, ndërsa ka përmendur se është një proces i vazhdueshëm, por që nuk mund të thotë konkretisht se kur do të ndodhë.
“E ashtuquajtura “Lista e zezë” është diçka që bëhet sipas ligjeve tona. Është një listë, e cila është dinamike, organike, e cila vazhdimisht po pëson ndryshime. Ka një numër emrash për të zgjedhur, aktualisht emrat janë duke u shqyrtuar, rastet janë duke u shqyrtuar, situata po monitorohet në përgjithësi, tha Ageler, por vuri në dukje se nuk ka një datë specifike se kur do të ndodhte kjo.
Lidhur me kërkesën e prokurorisë për ndihmë juridike ndërkombëtare nga SHBA-ja për rastin “Soravia” në është i përfshirë Drin Ahmeti, nipi i liderit të BDI-së, Ali Ahmeti, Ageler tha e nuk ka detaje, se ambasada amerikane ka një zyrë juridike e cila merret me këto gjëra.
“Por do ta them atë që edhe më parë e kamë thënë para anëtarëve të ekipit tim dhe pavarësisht nga ky rast konkret, askush nuk është mbi ligjin dhe të gjithë duhet të mbajnë përgjegjësi për veprimet e tyre”, tha Ageler.
Ageler: Çdo reformë në gjyqësor duhet të zbatohet me kujdes, BE-ja ka një udhërrëfyes të cilin SHBA-ja e mbështet plotësisht appeared first on Telegrafi.