Shtëpia më e madhe e futbollit, FIFA sonte ka nisur shpërndarjen e çmimeve “The Best”.
Në kuadër të kësaj ceremonie do të ipet edhe çmimi “Futbollisti më i mirë i vitit” në konkurrencën e meshkujve e të femrave, por edhe shumë çmime të tjera.
E, çmimi si më i miri i botës në konkurrencën e meshkujve për vitin 2024 shkon te ylli i Real Madridit, Vinicius Junior.
Vini e fitoi këtë çmim duke qenë në një garë të ashpër me Rodrin, nga i cili e humbi “Topin e Artë” muaj më parë.
Braziliani 24-vjeçar ishte pjesë kyçe e Real Madridit për sezonin e kaluar, duke e ndihmuar të fitojë Ligën e Kampionëve dhe La Ligan.
Vinicius Jr është braziliani i parë që nga viti 2007 që fiton një çmim individual të kësaj rëndësie.
Vinicius Junior, lojtari më i mirë i botës sipas FIFA-s / shkruan Gazeta Online Reporteri.net.
