Drenica ka arritur që me fitoren e sotme, të shpallet kampione e Grupit A në Ligën e Parë, dhe kësisoj edhe të sigurojë rikthimin në Superligën e Kosovës, pas dy sezoneve mungesë.
Ekipi i drejtuar nga Bylbyl Sokoli mori një fitore të madhe ndaj Istogut në “Bajram Aliu”, me shifrat prej 3-0.
E veçanta e kësaj fitoreje – pos rikthimit në Superligë – ishte edhe tregolëshi i shënuar nga nipi i Adem Jasharit, Igball Jashari.
Tre golat e Jasharit e vulosën rikthimin e Drenicës në elitën e futbollit kosovar, si kampione, duke qenë tetë pikë para Lirisë në vendin e dytë.
Drenica kishte rënë nga Superliga në sezonin 2022/23, duke përfunduar në vendin e 10-të me 23 pikë nga 36 ndeshje.
Nipi i Adem Jasharit me tre gola vulos rikthimin e Drenicës në Superligë / shkruan Gazeta Online Reporteri.net.
