Ylli i futbollit, Cristiano Ronaldo fitoi disa çmime në Dubai për edicionin e 14-të të Globe Soccer Awards dhe nga aty dha disa deklarata që nuk janë pritur mirë.
Ai tha se Superliga e Arabisë Saudite është më e mirë dhe më konkurruese sesa ajo e Francës (Ligue 1).
“A e dëshironi opinionin tim? Unë nuk mendoj se Liga Saudite është më e dobët sesa Ligue 1. Në Arabinë Saudite e shoh më konkurruese, ata mund të thonë çfarë të donë, ky është opinioni im, unë luaj këtu dhe e di se çfarë po them. Unë mendoj se jemi më të mirë se sa Ligue 1”, ka thënë Ronaldo.
Deklarata e sulmuesit të Al Nassr ka bërë që faqja zyrtare e Ligue 1 në platformën “X” ta thumboj me një postim.
Në postimin e Ligue 1 shihet ylli i Paris Saint-Germain, Kylian Mbappe, duke ia kapur faqen Ronaldos.
pic.twitter.com/FswkV0Eqm4
— Ligue 1 English (@Ligue1_ENG) January 19, 2024
Liga franceze e thumbon keq Ronaldon pasi tha se Superliga e Arabisë është më e mirë / shkruan Gazeta Online Reporteri.net.
