Futbollistët portugezë Diogo Jota dhe Andre Silva u varrosën sot në Porto, ku u përcollën për në prehjen e përjetshme nga familja dhe shokët e ekipit.
Funerali i futbollistit u mbajt në Gondomar, një vend 7 kilometra larg qendrës së Portos, dhe pothuajse të gjithë futbollistët e Liverpoolit, disa lojtarë të kombëtares portugeze, si dhe disa ish-lojtarë të Liverpoolit erdhën për t’i dhënë lamtumirën ish-shokut të tyre të skuadrës.
Në funeralin e Jotës dhe Silvës morën pjesë lojtarët aktualë dhe ish-lojtarët e Liverpoolit, lojtarë të kombëtares portugeze, trajneri i Liverpoolit, e shumë të tjerë.
Ceremonitë filluan në Capela da Resurreição dhe, pas një periudhe të shkurtër, procesioni i varrimit u drejtua për në Igreja Matriz de Gondomar, me miqtë dhe familjarët e dy lojtarëve që ndihmuan në transportimin e arkivoleve.
Mesha u zhvillua atje, e cila u dëgjua edhe nga njerëzit që ishin të pranishëm jashtë kishës, pasi ishin vendosur disa altoparlantë në mënyrë që të gjithë të dinin se çfarë po ndodhte brenda.
Pas përfundimit të ceremonisë mortore dhe meshës, arkivolet shkuan drejt varrezave në afërsi të kishës dhe në prani të familjarëve dhe miqve të ngushtë ata u varrosen.
Jota dhe vëllai i tij u varrosen në Porto, familja dhe shokët e tyre i përcollën për në prehjen e përjetshme / shkruan Gazeta Online Reporteri.net.
