Neymar nuk do të jetë pjesë e kombëtares së Brazilit për ndeshjet e muajit shtator, për shkak të një dëmtimi të ri.
Futbollisti i Santos ndjeu shqetësime në kofshë gjatë një seance stërvitore dhe më pas humbi dy seanca të tjera me ekipin.
Stafi mjekësor njoftoi menjëherë Federatën për problemin e tij shëndetësor. Kjo ndodhi pak orë përpara se Carlo Ancelotti të publikonte listën për ndeshjet kualifikuese të Kupës së Botës.
Mediat braziliane raportojnë se trajneri italian do ta lërë jashtë listës për ndeshjet ndaj Kilit dhe Bolivisë. Neymar nuk ka luajtur me Brazilin që prej 17 tetorit 2023, kur u dëmtua rëndë në gju kundër Uruguait.
Nëse nuk grumbullohet as këtë herë, mungesa e tij do të arrijë dy vite. Ai po kalon një periudhë të vështirë edhe te Santos për shkak të problemeve fizike.
Fati i keq nuk i ndahet, Neymar dëmtohet dhe humb grumbullimin me Brazilin / shkruan Gazeta Online Reporteri.net.
