Partizani i Beogradit është gjobitur nga UEFA pas shfaqjes së një baneri skandaloz me mbishkrimin “Kosova është Serbi”, gjatë ndeshjes kundër klubit Oleksandriya, e zhvilluar më 31 korrik në Beograd, në kuadër të raundit të dytë kualifikues të Ligës së Konferencës. Për këtë akt, klubi serb do të paguajë 17,500 euro.
Përveç kësaj, UEFA ka vendosur gjoba shtesë ndaj Partizanit: 50,000 euro për hedhjen e objekteve dhe sjellje raciste ose diskriminuese të tifozëve, si dhe një mbyllje të pjesshme të stadiumit që përfshin 10,000 vende, për ndeshjen e ardhshme si ekip vendas.
Klubi gjithashtu u ndëshkua me 12,000 euro për bllokimin e korridoreve publike, 8,000 euro për përdorimin e lazerëve dhe 2,750 euro për ndezjen e fishekzjarrëve.
UEFA gjobit skuadrën polake pas banerit skandaloz ndaj Kosovës në ndeshjen me Zvezdën
Edhe Partizani i Beogradit gjobitet nga UEFA për banerin skandaloz “Kosova është Serbi / shkruan Gazeta Online Reporteri.net.
