Policia e Shkodrës ka zbuluar një ambient ku përpunohej dhe përgatitej për shitje lënda narkotike kanabis.
Në kuadër të operacionit “Ndërmollasi” u arrestuan në flagrancë shtetasit Ramazan Meaj, 35 vjeç, Lulë Martini, 51 vjeçe, Arsilda Zymeri, 22 vjeçe, Lula Koceku, 46 vjeçe, Pashke Koçeku, 43 vjeçe, Zamira Koceku, 18 vjeçe, dhe një 16-vjeçare, të gjithë banues në Shkodër.
Gjatë operacionit, është kryer kontroll në banesën e shtetasit R. M. (organizatori i veprimtarisë kriminale) dhe në ambientet përreth, ku janë gjetur dhe sekuestruar: 12 kilogramë e 670 gramë lëndë e dyshuar narkotike kanabis në fazë përpunimi, municion luftarak, 4.5 kg material i dyshuar lëndë shpërthyese artizanale, 1 automjet, 4 motomjete të dyshuara të trafikuara, pa targa dhe numër shasie, 7 celularë dhe 700 euro.
Në përfundim janë sekuestruar 12 kilogramë e 671 gramë lëndë e dyshuar narkotike kanabis, municion luftarak, 4.5 kg material i dyshuar lënde shpërthyese artizanale, 1 automjet, 4 motomjete të trafikuara dhe të modifikuara, 7 celularë dhe një shumë eurosh.
Punohet për dokumentimin e plotë të kësaj veprimtarie kriminale dhe për identifikimin e shtetasve të tjerë të përfshirë.
