24 persona të arrestuar si pjesë e një grupi të dyshuar kriminal të trafikut të klandestinëve kanë dalë sot para Gjykatës së Posaçme për t’u njohur me masën e sigurisë.
Mes tyre janë edhe 4 punonjës të policisë që dyshohet se bashkëpunonin me trafikantët.
Ky grup, në të cilin bënin pjesë edhe 5 subjekte biznesi siguronte kontrata fiktive pune për shtetas nga Bangladeshi.
Kundrejt shumës prej 5 mijë euro, ata mbërrinin deri në Rinas dhe më pas synonin kalimin drejt Evropës, përmes Malit të Zi.
Gjatë operacionit policia sekuestroi 13 mjete, armë zjarri, drogë dhe rreth 1 milionë euro cash./vizionplus.tv
