Shtyhet afati i aplikimit për pranim në Policinë e Shtetit, 400 funksione të rolit bazë për Patrullë të Përgjithshme

Afati i aplikimit për pranim në Policinë e Shtetit, për 400 funksione të rolit bazë, për Patrullë të Përgjithshme është shtyrë deri më datë 5 gusht 2024.

Bëhet me dije se në numrin e kuotave për konkurrim, 50% e kuotave do të jenë për shtetaset femra, të cilat pas përfundimit me sukses të Kolegjit Profesional të Formimit Policor në Akademinë e Sigurisë, do të emërohen në strukturat e Kufirit dhe Migracionit.

Linku ku mund të aplikoni: https://asp.gov.al/https-files-fm-u-625khryhfz/

KRITERET PËR APLIKIM

Çdo shtetas që plotëson kriteret, ka të drejtë të aplikojë pranë drejtorive vendore të Policisë ku ai ka vendbanimin e përhershëm.

Aplikimet janë të hapura deri më datë 31 Korrik 2024.

1. a) të jetë shtetas shqiptar;
2. b) të jetë jo më shumë se 30 vjeç;
3. c) të jetë me gjatësi jo më pak se 165 cm për meshkujt dhe jo më pak se 160 cm për femrat;
4. d) të ketë mbaruar arsimin e mesëm;
5. e) të mos jetë i përjashtuar nga Policia e Shtetit, strukturat e tjera të sigurisë kombëtare apo të jetë larguar nga shërbimi civil;
6. f) të ketë zotësi të plotë për të vepruar;
7. g) të jetë në gjendje të mirë shëndetësore dhe i aftë fizikisht për të kryer detyrën;
8. h) të zotërojë gjuhën shqipe të shkruar dhe të folur;
9. i) të mos jetë i dënuar me vendim gjykate, të formës së prerë, për kryerjen e një krimi apo për kryerjen e një kundërvajtjeje penale me dashje;
10. j) të ketë dëshmi të aftësisë së drejtimit të automjetit të tipit B;
11. k) të plotësojë kriteret e besueshmërisë dhe integritetit.

DOKUMENTACIONI PËR APLIKIM

Shtetasit që shprehin dëshirën për t’u pranuar në Policinë e Shtetit, përkundrejt tarifës së aplikimit, jo më vonë se data 31.07.2024, duhet të dorëzojnë pranë strukturave të Burimeve Njerëzore në drejtoritë vendore të Policisë, formularin e aplikimit të plotësuar, së bashku me dokumentacionin e mëposhtëm:

1. a) formularin e vetëdeklarimit për punësim në strukturat e Policisë;
2. b) fotokopje të kartës së identitetit;
3. c) diplomë të shoqëruar me listë notash që vërteton përfundimin e arsimit të mesëm (të noterizuara);
4. d) fotokopje të dëshmisë së aftësisë së drejtimit të automjetit të tipit “B”;
5. e) certifikatë e gjendjes gjyqësore (nxirret nga struktura policore ku kryen aplikimin);
6. f) certifikatë familjare (nxirret nga struktura policore ku kryen aplikimin);
7. g) vërtetim nga gjykata që nuk është në gjykim për vepër penale;
8. h) vërtetim nga prokuroria që nuk është në ndjekje penale;
9. i) vërtetim nga struktura e posaçme kundër korrupsionit dhe krimit të organizuar;
10. j) mandat-pagesa e tarifës së aplikimit.

FAZAT QE KALOJNË APLIKANTËT PËR PRANIM

Për pranimin në polici, aplikantët duhet të kalojnë me sukses sipas rendit zbritës fazat:

1. a) aplikimi;
2. b) verifikimi dhe shqyrtimi i dokumentacionit;
3. c) verifikimi i besueshmërisë dhe integritetit të aplikantëve;
4. d) kontrolli shëndetësor;
5. e) testimi, i cili përfshin testin me shkrim, testin fizik, intervistën me gojë dhe testin psikologjik.