Qeveria ka në dispozicion 1.5 miliardë lekë për parandalimin e fatkeqësive natyrore.
Shifra u bë e ditur nga kryeministri Edi Rama, i cili me anë të një postimi në Facebook u shpreh se 500 milionë lekë është fondi për kompensimin e qytetarëve që janë prekur nga përmbytjet.
“Fondet e parashikuara për mbrojtjen civile synojnë rritjen e sigurisë përballë fatkeqësive natyrore, garantimin e kompensimit për qytetarët e prekur, si dhe forcimin e masave parandaluese për reduktimin e rreziqeve në të ardhmen”.
1.5 miliardë lekë janë parashikuar për financimin e projekteve që do të parandalojnë fatkeqësitë natyrore. 300 milionë prej tyre do të përdoren për financimin e digave dhe rezervuarëve, 500 milionë për qytetarët dge 500 milionë të tjerë do të jenë për investime të reja.
Më herët, kreu i qeverisë ka bërë të ditur se strukturat kanë dalë në terren për llogaritjen e dëmeve dhe se çdo qytetar që i është dëmtuar banesa, toka bujqësore apo gjëja e gjallë do të rimbursohet.
