Vetëvrasja e gruas 41-vjeçare në Durrës ka tronditur opinionin publik, ndërsa u zbulua se gruaja përveç rrjeteve sociale bullizohej, dhunohej dhe keqtrajtohej edhe nga bashkëshorti. Ditën e djeshme është arrestuar edhe bashkëshorti i saj, Xhemal Loka.
Ai ishte kthyer nga Greqia dhe e kishte kërcënuar me thikë gruan për ta vrarë, në prezencë të njërit prej fëmijëve të tyre.
Për këtë ngjarje ka reaguar edhe Zaimina Vasjari e cila ka zbuluar se e ndjera punonte në kompaninë e saj. Zaimina shprehet se askujt nuk i interesoi historia e një gruaje të dhunuar por iu interesoi historia e Tik Tok-ut.
“Ti ishe një grua e bukur, e zonja, e fortë, një nga punëtoret më të shkëlqyera të kompanisë tonë, e ndershme dhe një nënë shembullore”, shkruan ndër të tjera këngëtarja.
“Tani do prehesh ne paqe bedrie! U perpoqa shume dje te zbardhja historine tende nga lajmi i rrem qe portalet te perfshin, por per fat te keq askujt nuk i interesoi historia e nje gruaje te dhunuar se ndoshta eshte shume e degjuar, por historia e tik tokut do ishte lajm me i klikuar. Per fat te keq sot edhe lajmi i vdekjes shet pa i interesuar e verteta. Ti ishe nje grua e bukur, e zonja, e forte, nje nga puntoret me te shkelqyera te kompanis tone, e ndershme dhe nje Nene shembullore. Ngushellime te perzemerta familjareve!”, shkruan Zajmina Vasjari./vizionplus.tv
